人大八三一五周年示威

人大八三一五周年示威，係2019年8月31號由香港民間人士發起嘅一次反「831決定」同反逃犯條例修訂嘅示威。呢次示威本嚟係民陣主辦嘅人大八三一五周年遊行，由中環遮打花園行到西營盤中聯辦大樓，但警方發咗「反對通知書」，民陣宣佈取消遊行。但係有數以萬計嘅民眾嗰日自發遊行，人群主要喺銅鑼灣怡和街同上環林士街之間嘅馬路，無特定起點同終點。有啲激進示威者同警方發生衝突，警方頭一次安排水炮車射藍色催淚水。