中央公園 (廣州)

中央公園（中文：人民公园）係廣州越秀區嘅一個公園。呢處喺隋朝開始都係官府用地，元朝嗰陣係廣東道肅政廉訪使署，明朝嗰陣係都指揮司署，曾經係南明紹武政權王宮，清代先係平南王府然後係廣東巡撫署。民國七年（1918年）孫中山倡議起成公園，叫市立第一公園。

因為地處市中心，1925年改叫中央公園，而家亦普偏噉叫。公園佈局係意大利圖案式庭園，呈方形幾何對稱形式。院內古樹眾多。1998年10月拆咗圍牆免費開放。喺2012年11月，中央公園被訂咗做越秀區登記保護文物，跟著到咗2021年3月25號升格成廣州市文物保護單位。

工程改造

2020年12月當局透過工程招標啟動咗景觀大改造，由廣州市園林局下邊嘅越秀區綠化養護第一工區負責，總投資有成3819.59萬元根據返招標書同初步設計方案，建設內容包括咗中軸廣場同南入口廣場嘅改造、休閒空間嘅重置，仲有改造埋園路、平臺、樹池、花基等。工程係要移走成兩百樖原有嘅樹木，直至到2021年5月左近，包括唔少嘅老榕樹都俾修剪咗甚至係斬走埋，換成啲瘦艋嘅鳳凰木，另外仲換多咗成片嘅草皮而市民唔入得去用，俾啲街坊詬病。呢個「疏林草地」方案連唔少專家都不認同，認為呢種做法淨系由景觀嘅角度度出發，唔單止係唔尊重文物保護，仲破壞咗歷史名園嘅歷史風貌。