企鵝奇緣
| 企鵝奇緣 | |
|---|---|
| 資料明細 | |
| 導演 | Glendyn Ivin[*] |
| 主演 | 娜奧美·屈絲 |
| 產地 | 美國 澳洲 |
| 話 | 英文 |
| 上畫同發行 | |
| 上畫日期 | 2020年9月12號 |
《企鵝奇緣》（Penguin Bloom）係2021年Netflix上映嘅劇情電影，改編自真實故事，講述一個媽媽係一次意外令到下半身癱瘓，無意中喺屋企人領養嘅一隻受傷喜鵲身上得到鼓勵。
劇情簡介
[編輯]住喺澳洲嘅珊曼莎·布魯同老公卡麥隆同埋三個仔去泰國度假。點知喺假期途中，珊曼莎喺屋頂欣賞風景，因為欄杆腐爛斷裂而跌落樓，導致脊椎斷裂，胸部以下癱瘓。珊曼莎一向熱愛戶外活動，鍾意衝浪同旅行，呢次劇變令到佢迷失自我，每日都沉浸喺憂鬱之中，佢懷疑自己生存喺呢個世上重有啲乜嘢意義，對屋企人重有乜嘢意義？
一年之後嘅某日，佢嘅仔將一隻受傷嘅喜鵲帶返屋企，滿懷愛意改佢嘅名做「企鵝」（Penguin）。珊曼莎懷疑噉對住呢隻黑白相間嘅雀仔，隨住時間流逝，逐漸對呢隻家庭新成員產生感情，進而展開一段修復心靈創傷嘅旅程，令到佢老公、三個仔同媽媽又驚又喜，珊曼莎自己亦相當驚訝。珊曼莎嘅人生喺遭遇打擊之後睇嚟好似已經支離破碎，卻喺屋企人嘅關愛，同觀察一隻雀仔奮力康復嘅過程當中，再次搵到人生嘅希望同意義。
