伊甸園

出自維基百科,自由嘅百科全書

伊甸園係《聖經》記載上帝啱啱造人類嗰時,人類所居住嘅樂園。

話說上帝耶和華創造咗男人亞當之後,將亞當安置喺伊甸園。隨後,上帝又使亞當睏覺,攞出亞當嘅一條肋骨,嚟造女人夏娃,同亞當相伴,上帝就吩咐佢哋管理伊甸園。

生命樹同知善惡樹[編輯]

伊甸園中有各種唔同嘅樹,結出各種果實。亦有生命樹,同埋知善惡樹。上帝告誡佢哋,各種果實都可以食,唯獨知善惡樹嘅果實唔可以食。但後來夏娃俾蛇(撒旦)引誘,食咗知善惡樹嘅果實,又將呢隻果實遞畀亞當食。最後,蛇、亞當、夏娃都俾神懲罰,亞當、夏娃兩人俾神驅逐出伊甸園。神又安排基路伯喺伊甸園嘅東邊,拎住旋轉嘅火劍,守住通往生命樹嘅路。

神對蛇、亞當、夏娃嘅懲罰[編輯]

蛇:

  • 要用肚來行走
  • 成世都要食泥
  • 後裔必定同夏娃嘅後裔有仇

亞當:

  • 終生都要勞苦耕作,汗流滿面,先可以得到所需食物
  • 要食田裏面嘅蔬菜
  • 大地因此要生出荊棘

夏娃:

  • 增加懷孕同生仔嘅痛苦
  • 要受到丈夫管轄

位置[編輯]

聖經》記載,有一條河由伊甸園流出,分散成四條河,分別係比遜河、基訓河、幼發拉底河底格里斯河,因此伊甸園大概喺兩河流域附近。

一九九四年,喺土耳其東南部,有一位牧羊人發現巨石,經過考古學家挖掘,證實係一座巨石陣遺址,距今大約一萬二千年。由於巨石陣嘅位置,同《聖經》所描述吻合,因此有人認為嗰座遺址就係《聖經》記載嘅伊甸園。

參考[編輯]