伊達政宗
| 伊達政宗 | |
|---|---|
 | |
| 姓名原文 | 伊達政宗 |
| 出生日 | 1567年9月5號  |
| 出生地 | Yonezawa Castle |
| 死亡日 | 1636年6月27號、1636年8月24號 （68歲） |
| 死亡地 | 江戶 |
| 死因 | 食道癌 |
| 國籍 | 日本 |
| 職業 | 侍、軍人 |
| 配偶 | Mego-hime、Iisaka no Tsubone、Shinzō no kata、Kōnomae、Yu Shanfang、Shōgonin、Katsume、Murakami Tae、Q11428383 |
| 仔女 | Iroha-hime、Date Hidemune、Date Muneyasu、Date Sōshin、Date Munetaka、Muu-hime、Date Munezane、Mine-hime、Date Munekatsu、Sengiku-hime、Watari Sōne、Date Tadamune、Date Munetsuna、Date Munekiyo、Date Takematsumaru、Keigetsuin |
| 家族 | Date clan |
| 阿爸 | Date Terumune |
| 阿媽 | Yoshi-hime |
| 兄弟姊妹 | Date Masamichi |
[改維基數據] | |
伊達政宗（1567年9月5號—1636年6月27號）係伊達氏第十七代家督，安土桃山時代奧羽地方嘅「大名」，江戶時代仙台藩始祖，由於細個嗰陣因為眼疾嘅關係，冇咗隻右眼，通稱獨眼龍。佢母親係為有「美貌與謀略雙全之鬼姬」之稱嘅義姬，父親係伊達輝宗。元服後字藤次郎。其名政宗（同九代家督政宗同名，九代家督政宗稱為中興之祖）即意味能達成霸業。官位係美作守、左京大夫、待從、越前守、右近衛權少將、陸奧守、權中納言，死後贈番正二位。
生平
[編輯]右眼失明
[編輯]
位於仙台市。
永祿十年（1567年），喺出羽國米澤（今山形縣米澤市）嘅米澤城出世。在這個細路出世之前，即刻有人話哩個孩子是萬海上人投胎轉世，因此，喺佢出世以後，寄予厚望嘅輝宗將細路嘅幼名命名為梵天丸。
元龜二年（1571年），先至五歲嘅梵天丸患咗當時最容易讓細路致命嘅疱瘡（即天花）。輝宗喺梵天丸病嗰陣，仲有一個仔叫竺丸（小次郎政道，義姬次子），但梵天丸係自己最重視嘅兒子，因此輝宗命人喺梵天丸嘅病榻日日為佢祈禱，其中都包含曾預言「梵天丸必遭一大劫」嘅法印和尚。最後，梵天丸終於逃過呢場大劫，但代價係右眼失明，就因為一隻眼失明，佢亦稱為「獨眼龍」。
冇咗隻右眼，亦都係證明梵天丸為萬海上人嘅重要證據-萬海上人在生前同樣都係一隻眼獨明。不過，梵天丸嘅母親義姬喺梵天丸右眼失明後，就覺得佢嘅樣好醜，就因為咁，義姬將自己對梵天丸嘅愛，轉移到小梵天丸十一個月嘅次子竺丸身上。更有義姬毒殺政宗嘅傳聞，但係當時還年幼嘅政宗卻講「母親冇錯」，為義姬辯護。
之後，當豐臣秀吉同德川家康問到：「你隻右眼去咗邊？」，政宗就咁樣：「細個嗰陣，我爬上樹到，點之唔小心跌低，哩個時候我隻右眼卻唔小心走咗出嚟。於是我便就將佢當做一粒葡萄，食咗落肚。」有關於政宗右眼最廣為流傳嘅就係天花導致失明同食咗落肚嘅兩個故仔。
政宗嘅右眼並不是像一般人咁張開唔到，而是可以自由咁開闔，唯一唔同嘅係，就係右眼冇瞳孔。聽講，政宗好介意自己失明嘅事情，因此在命人做自己嘅雕像同畫自己嘅畫像嗰陣，總會叫人等兩隻眼都保持完美，以達到心中嘅平衡。
元龜三年（1572年），輝宗為咗教育政宗為精英，請咗臨濟宗嘅虎哉宗乙禪師為五歲的梵天丸嘅老師，開始咗一連串嚴格咗教育，並且學習漢學。天正三年（1575年），輝宗讓神職嘅仔片倉小十郎（片倉景綱）擔任梵天丸嘅側近（侍童）。而小十郎可以講是梵天丸最親近的人，側近中的側近，之後是政宗嘅得力軍師，並經常跟隨伊達政宗。
細個嘅政宗得最好嘅教育，仲得日後嘅得力助手片倉景綱（片倉小十郎）同伊達成實為家臣。天正五年（1577年），梵天丸元服，正式改名為「政宗」。天正七年（1579年），同陸奧國大名，三春城城主田村清顯嘅獨生女愛姬成婚。
版圖擴充
[編輯]天正九年（1582年）年，15歲嘅政宗第一次領軍作戰（亦有異說為天正十年，但大多數係指九年），同相馬氏作戰打勝仗。
天正十二年（1584年）輝宗退位，18歲嘅政宗繼任為伊達家17代家督，決意向周邊嘅大名交戰。之後大舉進攻大內定綱，並發生小手森城屠城事件。深感危機嘅義繼為咗自保，終喺天正十三年（1585年）前往拜見伊達輝宗，不過二本松義繼突然發難脅持伊達輝宗唔成，輝宗下令政宗向部隊射擊，結果是義繼同輝宗二人在喺鐵砲射擊下死亡，是為人取橋事件。其後，開始鎮壓叛變政宗嘅大內定綱。同時佐竹義重等反伊達的軍隊亦都開始向伊達家進攻，伊達政宗喺人取橋將反伊達聯軍擊敗，不過部下鬼庭良直奮戰下戰死。之後伊達政宗又於1589年在摺上原擊敗蘆名義廣，並將蘆名氏同二階堂氏消滅。經過摺上原等對周邊大名嘅戰爭後，伊達勢力已滲入成個會津同奧州，而伊達政宗開創畀阿爸更加大嘅伊達家版圖，當時領地石高係有150萬石。
豐臣秀吉家臣時代
[編輯]1590年，豐臣秀吉出兵後北條氏小田原城，並下令伊達家派兵協助，但是因為在戰前呃咗秀吉，政宗遲遲還唔作出出決定，幸而片倉景綱提醒下終於上陣，部隊遲咗出發，秀吉曾打算將佢處死，於是政宗將其部隊全身白色裝束上陣，以表示忠誠，戰後由於出兵有功，所以伊達家能保持原有嘅領地，不過失去咗會津一帶嘅領地。喺戰前，因為意見同母親不同而不和，將其弟小次郎毒害，而生母義姬則被流放到山形國大名最上義光。
1591年，佢協助蒲生氏鄉平定葛西大崎一揆，但係被氏鄉揭發指同一揆軍內通，政宗為就咗哩件事再次上京解釋，證明該書物是偽造之後，被秀吉增封岩出山城58萬石（後來仲加封到60萬石），並開始著手築起仙台城。
1592年，受豐臣秀吉嘅命令兵派三千兵出征朝鮮，3月抵達征明（中國當時為明朝）之地名護屋，1595年獲批准回日本。佢係冇參與慶長之役。1599年將大女五郎八姬與松平忠輝婚姻。自此就同德川家康有親近嘅關係。在關原之戰嘅時候支持東軍，雖然冇辦法直接參與在關原嘅本戰，但是係政宗在長谷堂城之戰接受最上義光嘅求援，出兵派遣支援長谷堂城嘅戰況，令到直江兼續唔能夠攻下長谷堂城。
仙台藩主
[編輯]
由於關原之戰所屬嘅德川軍取贏咗，因此政宗嘅領地得以保留。雖然佢可以成為100萬石大名，但係因為被揭發煽動和賀宗親向南部氏進行一揆，只係能夠由原來57萬增封為62萬嘅大名，成為仙台藩藩祖，隨後即刻築起仙台城同城下町，當時仙台城仍為山城，喺山下設下城下町，仍有統一天下之心（喺政宗死咗之後，先至改建為平山城）。及後政宗參加咗由德川對豐臣嘅大坂冬之陣同大坂夏之陣等戰鬥，喺夏之陣的道明寺之戰同真田信繁部隊激戰，仲有喺天王寺岡山之戰入面，曾經向我方部隊自相殘殺令神保相茂部隊全滅，政宗解釋咗一輪先至能脫險。佢喺政治方面，更派遣支倉常長到羅馬同羅馬教廷使節會面，成功喺外國進行貿易。亦成功將仙台一帶成為經濟嘅重心。
德川幕府成立後，曾多次任將軍嘅上京供奉。曾經講過「願早生二十年，成就如信長公霸業」，他雖然有做一番功業嘅志向，但係卻擺唔甩生不逢時嘅厄運。1636年5月24號，已隱居嘅政宗喺江戶病逝，終年70歲，死前德川幕府三代將軍德川家光親自探望，幾日之後離世。法名瑞巖寺殿貞山禪剎大居士，墓所喺瑞鳳殿[1]，政宗死後家臣15人同陪臣5人殉死。
人物
[編輯]- 佢擁有好大嘅野心，不時會出現伊達政宗會喺戰爭耍一些小手段，試圖保持自己的勢力，例如係福島一揆同一揆軍內通，等木村父子成功走甩。
- 喜歡食煙，每天早上、黃昏和睡前會按時間常規食一次煙。
- 其庶兒子秀宗被分封到宇和島藩，成為咗仙台藩嘅支藩。
- 雖然喺大阪之陣前不斷嘗試發難以圖統一天下，不過政宗卻對第三代將軍德川家光非常親密，家光以「親父政宗」稱呼佢。
- 母親義姬毒殺政宗但係唔成功，逃到大佬最上氏嗰度。不過喺江戶時代，因為最上氏被撤藩嘅關係，政宗畀義姬返仙台城。
- 喺1975年發現政宗嘅遺體，身高估計係159.4cm 左右[2]
家族
[編輯]- 父：伊達輝宗
- 母：最上義姬
- 弟：伊達政道
- 妹：千子姬
- 弟：伊達秀雄
妻妾
[編輯]- 正室：田村愛姬（田村清顯女）
- 側室：新造之方（六鄉伊賀守女）／飯坂之局（飯坂宗康女）-史實之間嘅差異
- 側室：塙氏（塙直之女）
- 側室：阿山方（柴田宗義女）
- 側室：弘子姬（芝多長廣女）
- 側室：勝女姬（多田吉廣女）
- 側室：妙伴（村上正重女）
- 側室？：香之前（高田治郎右衛門女）
子女
[編輯]- 長子：伊達秀宗（1591年~1658年）母側室新造之方，宇和島藩初代藩主
- 長女：伊達五郎八（1594年~1661年）母正室田村愛姬，松平忠輝室，後離婚
- 次子：伊達忠宗（1599年~1658年）母正室田村愛姬伊達家第十八代當主、仙台藩第二代藩主
- 三子：伊達宗清（1600年~1634年）母側室新造之方，飯坂宗康養子
- 四子：伊達宗泰（1601年~1638年）母側室塙氏，岩出山伊達家的家祖
- 五子：伊達宗綱（1603年~1618年）母正室田村愛姬，栗原郡岩崎城城主
- 六子：伊達宗信（1603年~1627年）母側室阿山方，栗原郡岩崎城城主
- 七子：伊達宗高（1607年~1626年）母側室阿山方，柴田郡村田城城主
- 次女：伊達牟宇姬（1608年~1683年）母側室阿山方，
- 八子：伊達竹松丸（1609年~1615年）母正室田村愛姬，早夭
- 九子：伊達宗實（1613年~1665年）母側室弘子姬，伊達成實的養子，亙理伊達家當主
- 三女：伊達岑姬（1616年~1635年）母側室勝女姬，伊達安藝宗實室
- 十子：伊達宗勝（1621年~1679年）母側室勝女姬，一關藩藩主
- 四女：伊達千菊姬（1626年~1655年）母側室妙伴，京極高國室
御落胤（私生仔）
[編輯]家臣團
[編輯]伊達血族
[編輯]- 伊達實元（藤五郎、棲安齋、兵部大輔）
- 伊達成實（藤五郎、安房守）
- 留守政景（伊達雪齋、上野介）
- 留守顯宗（籐五郎、相模守）
- 亙理元宗（元安齋、兵庫頭）
- 亙理重宗（源五郎、美濃守）
- 石川昭光（次郎、大和守）
- 國分盛重（伊達彥九郎、政重）
側近重臣
[編輯]- 屋代景賴（源三郎、勘解由兵衛）
- 桑折宗長（治部少輔、播磨守、點了齋）
- 山岡重長（小成田總右衛門、志摩守）
- 富塚宗綱（又一郎、近江守）
- 遠藤基信（六郎、文七郎、內匠、山城守）
- 濱田景隆（伊豆守、大膳亮）
- 山家國賴（河內守）
- 大內定綱（太郎左衛門、勘解由左衛門、備前守、廉也齋）
- 鈴木元信（秀信、高信、重信、七右衛門、和泉守）
- 支倉常長（與市、五郎又衛門、六右衛門）
- 泉田重光（助太郎、安藝守）
- 鮕貝宗重（盛次、日傾齋）
- 片倉重長（小十郎、重綱）
- 石母田景賴（清三郎、左衛門）
- 豬苗代盛國（平太郎、盛親、彈正忠、越後守）
伊達三傑
[編輯]伊達二十四將
[編輯]官階覆歷
[編輯]- 1584年（天正12）10月，繼承家督。
- 1585年（天正13）8月，任從五位下美作守。
- 1586年（天正14），轉任左京大夫。
- 1591年（天正19）3月，轉任侍從，兼任越前守。
- 1597年（慶長2）晉昇從四位下、轉任右近衛權少尉。
- 1608年（慶長13）1月，兼任陸奧守。
- 1615年（元和元）6月19日，晉昇從正四位下，補任參議，後來辭任。
- 1626年（寛永3）8月19日，晉昇同轉任從三位權中納言。
- 1918年（大正7）11月18日，追贈從二位。
作品
[編輯]只列主角嘅作品
- 小說伊達政宗 山岡莊八著
- 大河劇獨眼龍政宗（渡邊謙）
- 獨眼龍之野望！伊達政宗（高橋英樹）
- 愛與野望獨眼龍 伊達政宗（柴田恭兵）
- 戰國BASARA（PlayStation 2遊戲，CAPCOM）
- 天下人（PlayStation 2遊戲，世嘉）
參考
[編輯]- 小說伊達政宗第一卷 伊達政宗年譜 ISBN 957-32-3193-X
睇埋
[編輯]出面網頁
[編輯]