德川家康

出自維基百科,自由嘅百科全書
Jump to navigation Jump to search
德川家康
Tokugawa Ieyasu2.JPG
姓名原文 徳川家康
出生日 1542年1月31號 喺Wikidata改呢個
出生地 Okazaki Castle 喺Wikidata改呢個
死亡日 1616年6月1號 喺Wikidata改呢個 (74歲)
死亡地 Sunpu Castle 喺Wikidata改呢個
國籍 日本 喺Wikidata改呢個
通曉 日文 喺Wikidata改呢個
職業  喺Wikidata改呢個
配偶 Tsukiyama-dono、Asahihime、Shimoyama-dono、Yōju-in、Chōshō-in、Saigō、Chaa no Tsubone、Okaji no Kata、Yegonvie、Kame no kata、Yōgen-in、Sutsien-si 喺Wikidata改呢個
仔女 Matsudaira Nobuyasu、德川秀忠、Yūki Hideyasu、Matsudaira Tadayoshi、Matsudaira Tadateru、Matsudaira Matsuchiyo、Matsudaira Senchiyo、Tokugawa Yoshinao、Tokugawa Yorinobu、Tokugawa Yorifusa、Kame-hime、Toku-hime、Furi-hime、Takeda Nobuyoshi、Ichi-hime、Mate-hime、Tobai-in 喺Wikidata改呢個
家族 Tokugawa clan、Q11071640、Matsudaira clan 喺Wikidata改呢個
阿爸 Matsudaira Hirotada 喺Wikidata改呢個
阿媽 Odai no kata 喺Wikidata改呢個
兄弟姊妹 Takehime、Ichiba-hime、Matsudaira Yasutoshi、Matsudaira Yasumoto、Matsudaira Sadakatsu 喺Wikidata改呢個

德川家康日文徳川家康1543年1月31號1616年6月1號,即天文11年十一月廿六-元和2年四月十七)係日本戰國時代同埋江戶時代嘅人物。佢係江戶幕府嘅第一代征夷大將軍。幼名叫竹千代,長大後叫松平元康。佢喺關原之戰中擊敗石田三成,控制成個日本,佢嘅江戶幕府直到1868年由明治政權代替。

經歷[編輯]

幼年[編輯]

佢喺三河國岡崎出世,阿爸係第八代當主松平廣忠,阿媽係水野忠政個女,叫於大之方,不過佢阿媽喺佢細個嗰陣受到今川家嘅庇護,因此佢同阿媽已經離別,阿爸廣忠為咗對抗織田信秀,同今川氏結咗盟,竹千代成為人質,被送去駿河駿府

做人質嘅日子[編輯]

不過響送到駿府期間,佢俾織田信秀嘅部下擒獲。不過喺兩年後,織田信秀嘅庶長子織田信廣又被廣忠擒獲,於是廣忠提出交換人質嘅條件,雖然當時廣忠已經死咗,但係今川義元唔畀竹千代成為岡崎城主,呢幾年就喺駿府渡過,期間受到義元嘅家臣太原雪齋教育。14歲元服,改名為松平元信,兩年後改名松平元康,同義元嘅姪女築山殿舉行婚禮,元康先至可以返到岡崎城。

桶狹間之戰[編輯]

桶狹間之戰松平元康率領三河眾成為戰役嘅先鋒,率先突襲敵軍。不過另一邊,當主今川義元喺休息期間被織田信長毛利新助服部小平太殺死,於是元康返到岡崎城,不過到岡崎城嘅時候,發覺今川家已經放棄呢座城,城入面一個人都冇。於是元康正式從今川家獨立出嚟。

清洲同盟[編輯]

德川家家紋

1562年,同今川氏嘅今川氏真斷交,改為同織田信長結盟,是為清洲同盟,第二年改名為家康1566年,平定咗三河領地內嘅一向一揆,統一三河國。同年,從朝廷任命為三河守,並改姓德川。之後家康集中攻擊今川氏嘅領土,間接令到今川氏冇咗大名嘅身份。1570年家康嘅主要地盤由岡崎城搬咗去曳馬嘅濱松城

同信長共渡苦難[編輯]

當時幕時將軍足利義昭曾經遊說渠加入信長包圍網嘅行列,義昭賜予副將軍一職,不過家康斷然拒絕。其後家康喺姊川之戰中協助出兵,令到淺井長政朝倉義景嘅勢力大幅減退。不過1572年三方原之戰武田信玄大敗,幾乎令到德川家有滅亡危機。好在武田信玄嘅主要目標係上洛,德川家避免咗一次滅亡嘅危機,無耐,武田信玄喺向西途中病死,武田軍返到甲府。兩年後,喺設樂打敗咗武田勝賴,令到武田家勢力大幅衰退。跟住喺1582年由於木曾義仲背叛武田家,令信長開始討伐武田,家康協助信長攻下支城,最終令武田勝賴喺天目山自盡,武田家滅亡,戰後獲得駿河一國領地。

本能寺之變同秀吉嘅決戰[編輯]

同年,獲得豐臣秀吉嘅接見,到安土城一遊,期間家康同佢部份嘅家臣逗留安土城,不過織田信長喺京都俾明智光秀暗算而死,織田領內陷入大亂,當時德川家康仍然近畿領域,有被追殺嘅危險,當時服部半藏提議由伊賀逃離,最終成功逃脫。之後同後北條氏結盟,又積極擴充領土,使到佢成為擁有五國嘅大大名。

羽柴秀吉喺山崎打敗明智光秀後,更喺賤岳之戰打低柴田勝家,而秀吉下一個嘅目標係德川家。羽柴軍同德川軍喺小牧長久手兩地對峙。秀吉派遣突襲隊攻擊家康嘅營地,不過家康事先察覺,將突襲隊總大將羽柴秀次擊退。雖然家康喺小牧長久手之戰打咗一場勝仗。不過收尾秀吉改打織田信雄,信雄卒之同秀吉講和,於是家康亦建議大家都講和,最終將第二仔秀康送咗畀大坂城做人質。

1586年隨秀吉攻打竹佐嘅長宗我部元親同埋越中嘅佐佐成政。點知派鳥居元忠進攻上田城以失敗告終。加埋家臣石川數正忽然出走,投靠咗豐臣秀吉。終於喺10月同秀吉達成咗從屬嘅要求,秀吉嘅亞妹朝日姬成為家康嘅正室。秀吉嘅生母大政所送往岡崎城為人質。10月27號家康去大坂城拜見秀吉,正式達成從屬關係。

秀吉家臣時代[編輯]

家康喺11月返到濱松,同月,被秀吉分封到駿府等五國嘅領地。喺1590年小田原征伐中,援助秀吉成功包圍小田原城,令到守軍冇交戰就投咗降。之後,秀吉分封關東七國畀渠,渠成咗百萬石嘅大名。之後雖然秀吉派兵出征朝鮮,不過家康以討伐北條嘅殘兵敗將為藉口留低,響德川家嘅名護屋城度做守備工作。

關原之戰[編輯]

1598年,豐臣秀吉病死。由年僅6歲嘅豐臣秀賴繼位。家康藉機安排自己嘅親屬獲得領地,又同大名安排婚姻。終於引嚟親豐臣嘅家臣不滿,特別係石田三成。自從三成受到七將(加藤清正福島正則等)兩者關係極度緊張,更傳出有人暗殺家康。終於喺1600年初,東北地方大名上杉景勝嘅家臣直江兼續寫咗直江狀,令到家康好嬲,終於下令所有大名準備討伐會津嘅上杉景勝。不過家康喺去到上野國,收到石田三成以打倒家康為目標,喺佐和山城起兵,家康立即舉行軍議,大部份大名支持討伐三成,於是軍隊折返江戶城,並派遣先鋒先由西進發,調查三成嘅動向。

9月1日家康本隊喺江戶城出發,14號到達美濃,當家康到達後,三成隊離開佐和山城,三成嘅家臣島左近喺杭瀨川擊退咗中村一榮有馬豐氏嘅迎擊隊。

15號,兩軍喺關原開戰,是為關原之戰,最初嘅戰況對德川軍極為不利,直到中午,戰況先至有變化,家康派遣一隊鐵砲隊對小早川秀秋作恐嚇射擊。最終令到小早川秀秋倒戈,向大谷吉繼嘅陣地殺去,戰況先至有改變,最終東軍贏咗呢場仗。

家康喺關原之戰取勝後,分封領地,將大多數支持西軍嘅大名除封,並安排新領土畀佢嘅支持者,而豐臣家只係得65萬石嘅大名。

就任將軍[編輯]

1603年,家康喺伏見城招請朝廷嘅人士,並且喺二條城就任將軍,成立江戶幕府,而家康就係江戶幕府嘅第一位將軍,雖然家康喺1606年將將軍嘅位置讓畀三仔德川秀忠,並且以駿府城用嚟隠居嘅地方,但係家康仍然掌握實權,從佢處理岡本大八事件同埋大久保長安事件可見一斑。

大坂之陣[編輯]

家康雖然安排秀忠其中一個女千姬同豐臣秀賴進行婚姻,不過家康有意消滅豐臣家。終於方銘寺寺鐘起名嘅問題引嚟家康嘅不滿,原因係條目寫咗啲對德川家唔吉利嘅嘢,於是家康嘗試迫使秀賴勸降,但係領內引起好大嘅反彈,終於迫使家康命令所有大名出兵到大坂。1614年12月到爆發大坂冬之陣,不過由於守軍嘅反抗強勁,迫使家康用議和嘅方式,成功令大坂城嘅防禦力大減。

不過由於大坂城無意放棄抵抗,而且重新將城外嘅堀重新起過,終於家康第二次出兵,夏之陣入面,雖然豐臣軍多次派軍隊迎擊,不過德川軍步步進迫,最終喺天王寺岡山之戰擊敗豐臣軍,秀賴喺呢場仗切腹自盡。戰後,家康實行一國一城令同武家諸法度等條例,進一步鞏固幕府嘅領導地位。

病逝[編輯]

家康喺1616年四月十七喺駿府城病死,享年75歲,佢嘅墓地喺東京都日光東照宮,到佢死後,秀忠先至真正控制江戶幕府。

家族[編輯]

妻妾[編輯]

[編輯]

  • 松平信康(1559年—1579年)(母:築山殿)
  • 結城秀康(1574年—1607年)(母:小督局)
  • 德川秀忠(1579年—1632年)(母:西鄉局)
  • 松平忠吉(1580年—1607年)(母:西鄉局)
  • 武田信吉(1583年—1603年)(母:於都摩)
  • 松平忠輝(1592年—1683年)(母:阿茶局)
  • 松千代(1594年—1599年)(母:阿茶局)
  • 仙千代(1595年—1600年)(母:阿龜)
  • 德川義直(1600年—1650年)(母:阿龜)
  • 德川賴宣(1602年—1671年)(母:阿萬)
  • 德川賴房(1603年—1661年)(母:阿萬)
  • 私生子(未確定):鈴木一藏(1565年 - ?)
  • 私生子:永見貞愛(1574年—1605年)(母:阿萬)
  • 私生子:松平民部(1582年—1616年)(母:法光院)
  • 私生子:小笠原權之丞(?—1615年)(母:三條氏)
  • 私生子(未確定):土井利勝(1573年—1644年)

[編輯]

養子[編輯]

養女[編輯]

參考[編輯]