今川義元

今川義元
姓名原文	今川義元、芳菊丸
出生日	1519年
出生地	靜岡市、駿河國
死亡日	1560年6月12號  （41歲）
死亡地	豐明
國籍	日本
母語	日文
識嘅語言	日文
信奉	佛教
職業	侍、大名
配偶	Jōkei-in、Sekiguchi-fujin
仔女	Imagawa Ujizane、Reishō-in、Chōtoku Ichigetsu
阿爸	Imagawa Ujichika
阿媽	Jukei-ni
兄弟姊妹	Zuikei-in、Genkō Etan、Imagawa Hikogorō、Imagawa Ujitoyo、Imagawa Ujiteru
[改維基數據]

今川義元（1519年—1560年6月12號）係鎌倉八幡太郎源義家一系嘅名門望族，係個鍾意能劇、和歌之類事物，文武雙全嘅風雅大名。佢老豆係今川氏親，老母大婆壽桂尼，佢正室喺武田信虎個女定惠院。武田信玄、北條氏康嘅契兄弟。

童年

佢細細個就出家，法號叫檀岳承芳（栴岳承芳），接受太原雪齋嘅教育。喺佢大阿哥今川氏輝瓜老襯嗰時還俗，喺太原雪齋幫拖平定花倉之亂之後揸莊繼承家業。所謂嘅花倉之亂，就係今川氏內部繼承人嘅爭鬥。今川氏親瓜老襯之前指定咗氏輝做佢繼承人，但係氏親同氏輝病瓜咗之後，今川氏嘅家督冇人做，所以氏親剩低嗰兩個仔，玄廣惠探同檀岳承芳就開始為咗爭取家督對立。今川家臣太原雪齋（崇孚）撐檀岳承芳，檀岳承芳班馬包圍玄廣惠探嘅居城花倉城，玄廣惠打輸仗自殺。檀岳承芳之後還俗，改名今川氏元，繼承家督。之後接受征夷大將軍足利義晴嘅偏諱改名叫今川義元。

當政時期

今川義元揸莊之後，不斷同北條家、織田家爭鬥，而且勢力不斷擴大，又喺1554年訂立咗今川家、武田家同埋北條家嘅三國同盟，史稱善德­寺三國同盟。今川義元個女駿河姬嫁咗畀武田晴信嘅大仔武田­義信，北條氏康個女早川殿嫁咗畀今川義元個仔今川氏真。無耐之後，藉織田家攻擊松平家為名，今川義元先後喺小豆坂之戰同安祥城之戰做低咗織田信秀，將松平元康（德川家康）收做今川家嘅人質，運用松平元康（德川家康）控制住松平家，令到松平家嘅岡崎城成為今川義元嘅領土之一，最終今川家擁有埋駿河、遠江、三河嘅領地，成為東海大名。

今川義元做咗今川家督後，因為京都文化係佢嘅飛佛，所以佢將傳遞京都文化去關東地區視為使命。佢特登仿效同跟住京都入面華麗嘅王孫公卿，着直­衣、戴立烏帽、搽黑牙、畫蟬眉、查脂粉、開詩會，甚至於戀童。今川義元特登興建嘅臨濟寺，只喺為咗利用駿府喺禪宗文化傳播中嘅地理優勢，嚟到滿足自己對臠童嘅癖好。亦因為咁，今川義元以京都文化做包裝嚟到戀童嘅行為影響到駿河人，搞到駿河人普遍將幾靚仔嘅細路仔送去臨濟寺去接受寺廟僧侶嘅調教同打扮，以求麻雀變鳳凰嘅可能。

另外今川義元又為今川氏親嘅《今川假名目錄­》追加咗制定，加咗啲睇重內政，名主層嘅組織化、強化對工商業者嘅管理、同埋建立交通制度之類嘅行政，並強調主從之間報恩嘅奉公關係。