伊利沙伯舒麥加
(由伊麗莎白·舒馬赫跳轉過嚟)
| 伊利沙伯舒麥加 | |
|---|---|
 | |
| 原名 | Elisabeth Schumacher |
| 出世 | 1904年4月28號.svg){kind=small} 德意志帝國希燊州達姆施塔特 |
| 死 | 1942年12月22號（38歲）.svg){kind=small} 納粹德國柏林 |
| 死因 | 絞刑 |
| 國籍 | 德國 |
| 父母 | 阿爸：傅列茨荷亨尼姆沙 |
伊利沙伯舒麥加（德文：Elisabeth Schumacher；閨姓荷亨尼姆沙，德文：Hohenemser；1904年4月28號—1942年12月22號[1]）係二戰期間德國抵抗運動「紅色樂團」（Rote Kapelle）嘅成員。
生平
[編輯]伊利沙伯荷亨尼姆沙1904年喺達姆施塔特出世。佢阿爸傅列茨荷亨尼姆沙（Fritz Hohenemser）出自法蘭克福一個猶太銀行家家族嘅工程師，佢阿媽就出自邁寧恩嘅一個德國家族。傅列茨荷亨尼姆沙喺1914年戰死沙場之後[1]，伊利沙伯就搬徂去邁寧恩同佢阿媽一齊住。之後伊利沙伯先後喺邁因河畔奧芬巴赫同柏林求學，之後喺柏林嘅國家工業安全辦公室做畫師[1]。1935年《紐倫堡法案》通過徂之後，由於伊利沙伯嘅阿爸係猶太人，伊麗莎白無得再打長工[1]。
1934年，伊利沙伯荷亨尼姆沙同信奉共產主義嘅雕塑家古亞特舒麥加（Kurt Schumacher）結婚，之後好快結識徂一班志同道合嘅異議人士。爾批人就係後來被納粹蓋世太保叫做「紅色樂團」嘅抵抗運動人士。伊利沙伯嘅任務主要係派發反對納粹當局嘅傳單[1]。1939年，舒麥加夫婦曾經為一個被納粹當局追捕嘅人魯迪伯提爾（Rudy Bergtel）提供庇護[1]。1942年德軍入侵蘇聯之後，舒麥加夫婦又為蘇聯派來支援嘅情報員歐伯許斯勒（Albert Hößler）提供秘密食宿[1]。
喺1942年嘅一次行動中，由於無線電被納粹當局截獲，「紅色樂團」大部份成員遭到逮捕。伊利沙伯本人喺1942年9月12號同佢老公一齊被秘密警察逮捕，12月19號被軍事法庭判處死刑，12月22號遇害[1]。