伍日照

出自維基百科,自由嘅百科全書
Jump to navigation Jump to search

伍日照Daniel Ng Yat-chiu1937年2013年8月23號),香港商人,香港出世同長大。一九七五年將美國麥當勞,帶入香港,人稱香港麥當勞之父。《經濟學人》發表巨無霸指數,亦同佢有關。香港慈善機構,麥當勞叔叔之家,亦係佢搞起。

學業[編輯]

伊利諾大學畢業,之去倫敦帝國理工學院化學工程,得博士學位。

事業[編輯]

佢讀完書後,去咗美國燃氣技術研究院打工。間院係歸伊利諾理工大學,主管環境保護同埋能源系統研究計畫。

一九七二年返香港。好友馮慶炤,著名華人富商馮秉芬個仔,邀請佢加入佢個基金公司做嘢,公司叫Inter-Asia Management Co. Ltd。當時美國麥當勞想開拓香港市場,聯絡間公司,物色本地合作伙伴。伍日照本來介紹個朋友,同馮氏父子合作。不過朋友甩底,伍日照頂上。伍日照同馮氏父子,準備齊齊開麥當勞。伍日照初時,家人都唔睇好。但佢堅持去美國麥當勞受訓,洗廁所捧餐,乜都要做。一九七五年一月,全港首間麥當勞,開喺銅鑼灣百德新街,第一日生意好好,超過預期,生意額逾七千銀。當年漢堡包,賣一圓六毫。伍日照一直擔任香港麥當奴餐廳董事總經理。一九九五年,香港經營權,賣返美國總公司,佢就退任。

工作方法[編輯]

佢落區格價來定價,睇下各區士多可樂煙仔售價,得知市民日常生活開支,從而比對定價。伍日照管理麥當勞,有傷健共融,亦係全港餐飲集團之中,首家全面禁煙

經濟學人》年年發布巨無霸指數,反映唔同地區貨幣水平,概念同伍日照有關。二十世紀七十年代後期,伍氏有位美國朋友,借伍日照,收集全球各地麥當勞巨無霸售價,然後喺律師會發布,引起《經濟學人》注意,發揚光大,年年該報發表新數據。

音樂[編輯]

伍日照喜好西樂。

出面網頁[編輯]