伍醒墀

伍醒墀（Ng Sing-chi），又叫伍其昌（Ng Ki-cheung）、伍榮賓，係香港元朗一帶名人，而佢本身係個秀才。

伍醒墀係南邊圍伍氏人。一八七三年，南邊圍同大地主錦田鄧氏有衝突，伍醒墀都有份參加。喺一八九九年，佢帶人反抗英國接收新界，卽係新界六日戰。當中，佢有份處決來自廈村鄧嘅Tang Cheung Hing，因為佢有份貼英國人告示。伍醒墀因為咁畀英國人拉咗，呢單殺人事就成為英國接收新界，第一單謀殺案。伍醒墀認罪，供詞同時都涉及好多鄧族人。英國人判佢終身監禁，為咗平復鄉民，英國人跟住放返佢。沙埔村民認為佢係新界英雄。放咗之後，佢轉移反抗大地主鄧氏。

伍醒墀諗咗條計，令到錦田鄧光裕堂唔敢收南邊圍租。同時又開合益公司，搞元朗新墟對抗鄧氏把持嘅元朗舊墟，所以佢做過合益公司總理。亦有份搞博愛醫院，做過主席。

一八九九年打後，英國接收新界之後，鄧氏一時因為唔知某啲租咗出去嘅地響邊，因為咁無登記。二十世紀卅年代，鄧氏想喺原本細民同細族拎返來，恢復地權，伍醒墀都有份反對。