侏羅紀公園

出自維基百科,自由嘅百科全書
跳去: 定向搵嘢

侏羅紀公園》(英文:Jurassic Park)係一部1993年拍攝嘅科幻電影,由史提芬·史匹堡(Stephen Spielberg)執導,改編自米高·古禮頓(Michael Crichton)嘅同名小說。由於《侏羅紀公園》票房成績好好,所以後來又有人拍咗兩部續集《迷失世界:侏羅紀公園》(The Lost World: Jurassic Park)同埋《侏羅紀公園III》(Jurassic Park III)。

《侏羅紀公園》能夠成為里程碑式嘅電影,好大程度上係因為佢第一次大規模使用電腦繪圖來製作動物,同埋第一次使用數碼影院系統(DTS)做音效系統。另外,電影好大程度上深化咗恐龍喺流行文化裡面嘅影響,亦都令到關於史前恐龍嘅新理論(例如「鳥類係恐龍嘅直系後裔」)傳播得更快。同以前嘅恐龍電影相比,《侏羅紀公園》裡面嘅恐龍睇起身真實感更強,因為有古生物學家參與執導電影嘅拍攝工作。

2013年,環球影業推出《侏羅紀公園》3D版,以慶祝《侏羅紀公園》上畫20週年。3D版祇會喺電影院裡面播。

故事大綱[編輯]

科學家利用恐龍化石裏面揾到嘅DNA成功繁殖已經絕種嘅史前生物,並且起埋一個主題公園去飼養同繼續繁殖多種恐龍,不過,呢個計劃發生意外,引致大量恐龍逃走,重破壞埋個公園,結果一衆主角受到恐龍襲擊,要不斷逃走,驚險刺激。

遊樂設施[編輯]

喺美國荷里活日本新加坡環球片場主題公園都有以《侏羅紀公園》為主題嘅遊樂設施。

出面網頁[編輯]