史匹堡

出自維基百科,自由嘅百科全書
跳去: 定向搵嘢
史匹堡(二零一一年)

史提芬史匹堡Steven Spielberg;全名Steven Allan Spielberg1946年12月18號—)係美國導演,拍過多齣電影而聞名。佢除咗係導演,亦寫戲本,設計遊戲等工作。

生平[編輯]

史匹堡係喺美國俄亥俄州辛辛那提市出世。佢中學畢業之後就向南加州大學申請修讀電影,但唔成功;之後佢走咗去加州州立大學申請讀電影,先至成功。大學期間佢已經花時間做兼職,主要係做電影剪接。

1969年佢開始執導,最初係拍電視電影。後來佢開始幫環球影業開戲。佢嘅成名作係1975年嘅《大白鯊》,當時因為破票房紀錄,一舉成名。跟住重拍咗三套續集。1982年佢又拍咗《ET外星人》,亦都瘋魔一時,人人都將外星人叫做「ET」。

而佢喺1993年執導嘅《侏羅紀公園》重更加厲害。因為呢部片係佢成個電影最收得嘅一部。當時重因為呢部戲,喺全球掀起一股恐龍熱。

史匹堡憑住1993年《舒特拉的名單》同埋1998年《雷霆救兵》,攞到奧斯卡最佳導演獎。

作品[編輯]