倒瓦答失里

倒瓦答失里（？—1457年），明朝哈密國忠順王，蒙古貴族，叫哈力鎖魯檀，係忠順王卜答失里個仔。阿媽係弩溫答失里，瓦剌脫歡個女。

明正統四年（1439年）卜答失里死咗之後，嗣位。當時哈密種族雜居，頭領唔節制，人心渙散，勢力漸衰。第二年，都督皮剌納勾結瓦剌人猛可卜花想要謀殺佢，唔成功。瓦剌、吐魯番汗國、沙州衛、罕東衛、赤斤蒙古衛經常攻擊哈密。1443年，佢舅舅瓦剌也先攻打哈密，擄走倒瓦答失里嘅母親老婆返去瓦剌。也先威脅倒瓦答失里去見佢，倒瓦答失里稟奏明朝，也先之後放返佢嘅亞媽老婆。正統十年（1445年），也先再次擄走倒瓦答失里嘅亞媽老婆同細佬仲有撒馬爾罕貢使百幾人，要挾佢歸附。1448年，倒瓦答失里親自到瓦剌，歷時幾個月。明朝知道之後詰責於佢。第二年，也先侵明，發生土木堡之變，哈密稍為安定。明景泰三年（1452年），倒瓦答失里派捏列沙朝貢明朝，明代宗因為倒瓦答失里同瓦剌暗通，冇授予倒瓦答失里官爵。明天順元年（1457年）倒瓦答失里死咗，佢細佬卜列革繼位。

參考

• 《明史》