倪晨曦

倪晨曦（Elva Ni，1987年 8月15號—）係香港藝人，2005年多倫多華裔小姐冠軍。佢除咗做模特兒之類嘅演藝工作之外，重係一位瑜珈導師。

簡歷[編輯]

倪晨曦祖籍蘇州，南京出世，之後跟屋企移民加拿大。2005年佢以18歲嘅年紀攞到多倫多華裔小姐冠軍，第二年嚟香港參選國際華裔小姐，但攞唔到獎，於是就返加拿大讀書，考入多倫多大學主修經濟。

2010年大學畢業後，倪晨曦返香港發展演藝事業，做過模特兒、電影演員、節目主持、廣告代言人等等工作，當中比較出名嘅係2016年幫詩琳美容公司拍嘅一輯廣告，更畀一啲網民封佢做「氣質女神」。

呢篇倪晨曦係關於香港藝人同傳記嘅楔位文章，重未完成嘅。麻煩你幫手補充佢嘅內容。