假髮

假髮

假髮，古漢語叫做鬄、髢、髲鬄，係指唔係由人天生生出嚟嘅人造仿真頭髮，根據唔同嘅用途去戴。而「鬄」係假髮嘅總稱，「髲」就特別指用人髮整嘅假髮。

喺亞洲，中國好耐之前已經出現咗假髮，《詩經》入面就多次提及。到咗春秋時期（西元前770年—前476年），假髮開始喺中國盛行。日本傳統髮型都經常加上假髮梳成。朝鮮半島喺高麗王朝（西元918年-1392年）開始盛行戴假髻。而非洲嘅古埃及人喺四千幾年前就開始用假髮，亦係世界上最早使用假髮嘅民族，並且將假髮傳到歐洲。

假髮出現喺多種形式嘅表演藝術入面，比如中國嘅戲曲、日本嘅能劇同歌舞伎、同埋西方嘅歌劇。喺英國同大部份英聯邦國家，假髮係大律師同法官嘅法庭服飾之一。