光棍節

出自維基百科,自由嘅百科全書

光棍節粵拼gwong1 gwan3 zit3簡化字光棍节),第個名係雙十一節soeng1 sap6 jat1 zit3双十一节)、單身節,粵文意思係寡佬節,係中國內地嘅後生仔女成日猛咁喺度搞嘅娛樂性節日,佢最先出喺學校入面。呢日重係各大商家(尤其係網上購物)成日都用「雙十一」嘅名嚟搞打折促銷活動。從2009年開始,中國內地嘅購物網站——淘寶,同埋佢嘅屬下品牌——天貓,就成日揀呢日搞「狂歡購物節」[1]

由來[編輯]

如估向人問一個問題:「光棍節係點嚟㗎?」而街坊就眾說紛紜。不過最多人知嘅係喺南京大學嗰邊出嚟[2]。佢雖然話唔係官方同埋傳統節日,但喺網路同民間成日喺度猛咁㷫嘅。

喺1993年嘅南京大學,嗰時有個嗌「名草無主」嘅宿舍嘅4位大四學生,每晚黑喺度搞「卧談會」,而佢哋傾嘅嘢都係話點捹甩凈係得返自己一個人噉,而嗰時嘅卧談會嘅人就諗出,喺11月11號搞光棍節嘅活動[3]。結果光棍節就噉一傳十、十傳百。去到南京高校同埋邊間大學入面嘅一座得意嘅文化。不過時間一日一日噉過,有啲批次嘅學生仔就離開咗學校而踏入社會嘅同時,呢個節日都開始入到社會入面,而且成年嘅單身男女重越嚟越多噉,加上集體活動同埋網路媒體猛咁將呢個節日宣傳落去,結果,「光棍節」就開始流行喇。光棍節喺而家嚟講係社會嘅街坊入面猛咁流行嘅單身節日。

睇埋[編輯]

[編輯]

  1. "光棍节"成电商狂欢节 淘宝天猫销售破百亿-中新网. 原著喺2012年11月13號歸檔. 喺2014年11月11號搵到.
  2. 光混节来历说法不一 或起源于南京大学宿舍文化_新浪新闻
  3. 因為嗰時差唔多到1993年11月11號,加上佢哋諗到阿拉伯數字1就係「單身」噉解

出面網頁[編輯]