全國人大常委會委員長

中華人民共和國全國人民代表大會常務委員會委員長，簡稱全國人大常委會委員長，係中華人民共和國最高國家權力機關全國人民代表大會常設機構全國人民代表大會常務委員會組成人員之一，位列國家級正職黨同國家領導人，佢哋嘅地位相當於其他一院制國家嘅國會議長。喺國家主席廢除時期，委員長曾經行使過部分國家元首職權。