八卦鏡
八卦鏡，係唐人風水迷信架生，掛嚮大門外門楣上或露台上嘅一面有八卦嘅鏡，迷信有化煞納福功能。八卦鏡係八邊形架生，代表八個方位東、南、西、北同埋東北、東南、西南、西北方。
八卦構造[編輯]
八卦起源自伏羲氏。八卦鏡分別刻有：乾、坤、震、巽、坎、離、艮、兌等八個卦象，代表天、地、雷、風、水、火、山、澤等八個自然現象。
八卦鏡分為凸鏡、凹鏡同平面鏡三種，分別有化煞、護宅，同反射作用。如果八卦鏡上，加埋刀劍三叉則更犀利，俗稱「三叉八卦」，可以引發對面鄰居不和，家宅不寧，化吉為凶。
出面網頁[編輯]
