六一八雨災

六一八雨災係香港喺1972年6月18號連場大雨然後冧山泥，整死140個人嘅一件事。

事

當日大約中午時分，秀茂坪安置區對上山坡冧數以噸計嘅山泥，淹沒安置區嘅七十幾間木屋。而喺香港島半山區寶珊道冧山泥，將由鋼筋水泥建成嘅旭龢大廈沖冧。

慘劇發生之後，政府各部門立即組成聯合搶救隊伍。兩宗山泥傾瀉同大廈倒冧慘劇導致超過140死亡。

籌款賑災

六一八雨災之後，香港各界紛紛發起捐款賑災活動。6月24號（星期六）無綫電視搞咗六一八賑災義演，請影星李小龍、陳寶珠，粵劇名伶任劍輝、白雪仙（連同雛鳳鳴劇團）、麥炳榮、鳳凰女、新馬師曾、梁醒波、陳錦棠、任冰兒、許英秀等等，重有全台電視藝員同歌手，係香港電視史上首次馬拉松式直播籌款活動，播足12個鐘，一共籌到900萬，打破香港開埠以嚟籌款嘅紀錄。

參考

• 何佩然，《風雲可測 ── 香港天文台與社會的變遷》，香港天文台，香港2003年。ISBN 9622097014
• 《一九七二年雨災調查委員會最後報告書》，香港政府印務局，香港1972年。
• 香港電台電視部，氣象萬千－山雨欲來，2005年4月25號