六度分隔

出自維基百科,自由嘅百科全書

六度分隔六度分離Six degrees of separation)係一個假設猜想,話一個人識嘅一個人,即係你嘅朋友,叫第一度分隔,你識嘅朋友識嘅朋友,叫第二度分隔,如此類推,六度分隔話經過六度嘅分隔之後,全地球嘅人都連埋一齊,你同每個地球人都係隔開六度或六層,簡單啲可以咁講:「你同任何一個陌生人之間分隔開嘅人唔會多得過六個,即係話,最多通過六個人你就可以識到一個陌生人」[1]。幾項研究,好似美國哈佛大學心理學教授 Milgram 嘅小世界實驗en:Small world experiment),做過實驗,測吓呢個連通性。雖然確切分隔度係由人口嚟決定,結果指出分隔度數係相對細。六度分隔係「小世界現象」嘅同意詞。

六度分隔呢個理論提出之後,引起社會好大嘅關注,1990年,就有套戲劇《六度分隔》開映。1993年,同名電影《六度分隔》(Six Degrees of Separation)上畫。

咁多年唻,呢個理論仍然有爭議嘅地方,由論文發表到而家有關呢方面嘅研究都唔多,不過,喺應用方面就發揮得唔錯,特別係保險業同直銷業。

參考[編輯]

  1. 麼是"六度空間"理論. 原著喺2008年4月1號歸檔. 喺2007年7月27號搵到.

連出去[編輯]