再生緣，彈詞小說，大清時陳端生所寫，有十七卷，寫唔落去。五十年後，梁繩德續寫有個結局。
小說七言為主，角色取材自另本大清小說玉釧緣，講主角來世孟麗君同皇甫少華再續前緣，因而叫再生緣。故事為大元時，孟麗君中意皇甫少華，然而又畀人迫婚，女扮男生逃走，考中科舉，纍有奇功，官拜丞相，甚為奇情。
陳端生初寫再生緣好後生，為娛樂亞媽而寫。寫好十五六卷時，亞媽死咗，就無心機再寫落去。嫁人之後，做人新婦生埋仔更無心情寫。十四年後，因讀者眾多，盛情難卻，先至寫咗第十七卷，嗰時已卅四歲。兼老公又充軍新疆，久久未歸，咁嘅心情，實在寫唔落去，無結局。
故事好多人中意，本身已經唱得彈得，而且耐不耐就再改成大戲、電影、電視片集等等。
