再見媽咪

出自維基百科,自由嘅百科全書
再見媽咪
資料明細
導演林德祿[*]
監製洪金寶
產地香港
粵語
上畫同發行
上畫日期1986年8月8號

再見媽咪英文Goodbye Mammie)係1986年上映嘅港產片,由林德祿執導,洪金寶監製,葉德嫻任達華黃宇文樊少皇洪天祥張堅庭等主演。

劇情簡介[編輯]

單身媽媽Lisa(葉德嫻飾)係時裝公司嘅首席設計師,同10歲嘅仔安仔(黃宇文飾)相依為命。不幸嘅係,Lisa患咗血癌,只得返六個月命。

安仔自細依賴媽媽,性格柔弱,Lisa擔心自己死咗之後安仔唔能夠獨立生活。一次,服裝公司到兒童院請班孤兒協助拍攝兒童服裝造型相,Lisa決定將安仔送入兒童院住三個禮拜,希望安仔能夠學識自己照顧自己,同時亦想利用呢段時間安心養病。

安仔到咗兒童院之後,由最初俾人蝦,到逐漸融入一齊,好快就適應兒童院嘅生活,但係安仔經常都好掛住媽媽。Lisa亦十分都掛住個仔,佢透過兒童院嘅張哥哥,了解安仔嘅情況,同時決定畀安仔繼續留喺兒童院,希望喺自己臨死之前,能夠見到安仔獨立、堅強噉生活。

張哥哥呃安仔話,媽媽因為飛機失事死咗,安仔非常難過,班院友都一齊安慰佢,結果勾起咗大家對媽媽嘅懷念,大家都喊埋一份。

Lisa嘅同事Tom到兒童院教班細路學影相,其實係Lisa係想佢影啲安仔嘅相畀佢睇。見到安仔嘅相,Lisa非常興奮。

暑假完咗,班細路開始新嘅學期。喺返學途中,班細路幫安仔偷走出去服裝公司,搵Tom叔叔攞返大家嘅相。安仔到咗服裝公司,從佢哋同事嘅口中知道,原來佢媽媽重未死。Lisa匿埋,唔想見到安仔,安仔就由公司一直搵到屋企,Lisa控制唔到自己嘅情緒,終於同安仔見面。

安仔知道咗媽媽唔想見佢嘅原因,用自己勇敢嘅一面鼓勵媽媽。第二日,安仔返到兒童院,開始新嘅生活。

Lisa終於身體轉差就快死,安仔知道之後趕去醫院見媽媽嘅最後一面。安仔向媽媽講佢喺兒童院裏面發生嘅故事,Lisa安詳噉走咗。Lisa雖然未能夠見到安仔長大成人嘅嗰一日,但佢嘅苦心並冇白費,因為安仔已經能夠獨立、堅強噉生活。

演員表[編輯]

演員 角色 關係
葉德嫻 Lisa 服裝設計師,陳子安嘅媽媽
黃宇文 陳子安(安仔) Lisa個仔
任達華 張哥哥 兒童院導師
樊少皇 吳錫輝 兒童院孤兒
洪天祥 排骨仔 兒童院孤兒
午馬 食物部老闆
張堅庭 Andy
楊振耀 Tom
金童 大友 Lisa前夫,陳子安嘅爸爸
秦煌 電工
鄒世孝 王醫生

出面網頁[編輯]