冬泳（英文：Winter Swimming 或 Swim in Winter）係指冬天喺戶外水域（例如：河、湖、海等）喺自然水溫之下進行嘅游水活動。冬泳對身體有好多益處，例如有效增強肺活量，血管亦因為水溫較凍而加快收縮同擴張，從而促進血液循環。所以，經常游冬泳嘅人好少會患感冒，冬天亦唔怕凍[1]。
香港拯溺總會每年都會喺1月1號舉辦元旦冬泳比賽，賽程約六百米，分為：「奪標組」（設有獎項畀每組首六名完成賽事嘅運動員）同「暢泳組」（目的係鼓勵對冬泳同拯溺運動有興趣嘅人士參與）。
