出貓特攻隊
呢篇文講電影。想搵呢套戲改篇嘅劇集嘅話，請睇出貓特攻隊 (劇集)。《出貓特攻隊》（泰文：ฉลาดเกมส์โกง）係2017年泰國電影，由納塔屈彭皮里亞執導，茱蒂蒙翠莎容素欣、查朗桑提納托古、依莎亞賀素雲、提拉東蘇帕龐皮尤主演，用出貓做主題。呢套唔單止2017年泰國最高票房電影，重打破咗香港、臺灣、馬來西亞等地歷嚟最高票房泰國電影紀錄。
故事簡介
[編輯]家境一般嘅Lynn憑屈機成績考入名校，同高材生Bank成為星級模範生。一次考試，Lynn因為心軟放水幫朋友出貓，點知惹嚟一班富二代出錢請佢幫手出貓。Lynn敵唔過金錢誘惑，IQ爆棚嘅佢諗出連串超乎想像嘅出貓方法，生意自此愈做愈大﹗喺就快畢業嗰陣，有班人出高價請佢幫手挑戰海外公開試，佢仲拉埋Bank落水一齊展開一個龐大嘅出貓計劃。
演員
[編輯]- 茱蒂蒙翠莎容素欣 飾 劉蓮（Lynn），通稱蓮，朋友尊稱佢做超蓮
- 查朗桑提納托古 飾 陳德賓（Bank），通稱賓，朋友有時會叫佢做賓爺
- 依莎亞賀素雲 飾 明詩（Grace）
- 提拉東蘇帕龐皮尤 飾 柏豪（Pat）