分野

分野，天上星官劃分，劃分以反應地上諸國諸方。天上有異變，亦知道地方有大事。近代借咗來用，變成分開範疇叫法。

古時有種種唔同分野。當初某族拜某星為族星。族星有異變，族就會出事。之後成為邑星。周禮記保章氏，以星辨九州地，甚至封域，或者為九州分野起始。

戰國之初，已經淨下唔係好多國。占卜一國一分野，亦可以。由於門派眾多，分野，十二次分有，二十八宿分有，五星分有，北斗七星分有。

有啲會分為五官，天極中間一官，東南西北各一官，咁合乎五行占算。之不過咁有問題，中官唔係黃道內，五星唔經中官。咁用來分野，驗事就唔平均。咁用二十八宿，以及十二次分野，咁就可用到五星。到後尾國少，十二國經已對到十二次。及後秦統一華夏之後，十二國變十二分地方，十二次分野仍然使用。