次 (天文)

次，或者叫星次，係將天空黃道附近，劃做十二等份，所以叫十二次或者十二星次。呢種分法，同西洋黄道十二宮類似。十二次分別係星紀、玄枵、阪訾、降屢、大梁、實沈、鶉首、鶉火、鶉尾、壽星、大火、析木順序循環。

十二次同十二宮唔同嘅地方，就係十二宮以春分點嘅牡羊座起頭，而十二次無話邊個行頭，只要順序就得，通常畫成圓圈。

十二次約莫同十二宮對應如下：

• 大梁，牡羊座到金牛座
• 實沈，金牛座到雙子座
• 鶉首，雙子座到巨蟹座
• 鶉火，巨蟹座到獅子座
• 鶉尾，獅子座到室女座
• 壽星，室女座到天秤座
• 大火，天秤座到天蠍座
• 析木，天蠍座到人馬座
• 星紀，人馬座到摩羯座
• 玄枵，摩羯座到寶瓶座
• 阪訾，寶瓶座到雙魚座
• 降屢，雙魚座到牡羊座

舊時會紀錄行星，尤其係歲星，即係木星響十二次嘅位。

十二次亦用來分野，有十二國。