別有天詩社

別有天詩社（粵音：bit6 jau5 tin1 si1 se5），係澳門嘅文學組織，喺2002年9月11號成立，初頭佢淨係一個網絡嘅討論區，畀唔同地方鍾意詩歌嘅人發表佢哋嘅作品同埋傾下偈吹下水噉，到咗2014年，先至喺澳門正式設立實體詩社。

詩社嘅成員約莫廿零個咁上下，好多都係澳門嘅詩人，家下嘅社長係盧傑樺，理事長係邢悅（莫羲世）。

喺2023年，佢哋仲搞咗第一屆嘅別有天詩獎，係澳門第一亦係而家唯一一個專畀學生寫詩嘅獎。第一屆嘅得獎人包括中學組冠軍張嘉培〈安眠曲〉、亞軍區丞竣〈雨的一萬條裂縫〉、季軍朱嘉怡〈尾站〉；大學組冠軍陳浩賢〈戈爾孔達〉、亞軍馮煜〈夢鏡〉、季軍林霖〈默劇〉 。