利建潤

利建潤

利建潤（葡文：LEI Kin Yun，1978年7月13號—）係澳門社團工作者，現任民主起動副主席；外號「澳門長毛」，信奉基督教，中學程度。

從政經驗

利建潤係澳門嘅民主人士，長期參與支援中華人民共和國嘅民主運動、保護釣魚台行動、聲討八九年六四事件同埋推動澳門嘅民主發展。利建潤喺1996年10月代表澳門地區，同香港、台灣嘅保釣人士參加保釣運動。2005年成為南方民主同盟澳門分部聯絡人、喺南方民主同盟主席龍緯汶等嘅支持下，參與澳門立法會選舉，成為候選人，但係冇獲取足夠支持而落敗。

利建潤而家喺民主起動副主席、澳門民間人權陣線秘書長兼創會會員、天安門母親運動澳門地區代表、澳門職工盟會員、保釣行動委員會副主席。

澳門長毛

由於利建潤嘅作風同香港立法會議員梁國雄嘅作風相似，而梁國雄本人有「長毛」嘅外號，所以澳門居民同利建潤改咗個花名叫「澳門長毛」。