龍緯汶
龍緯汶（LUNG Wai-man, James，1974年8月15號—），中國國民黨黨員[1]，影視及娛樂事務管理處電視及電台廣播諮詢小組組員，香港深水埗區議會社區事務委員會關注南亞裔人士生活工作小組成員，香港社區發展網絡總幹事，政黨南方民主同盟黨主席，亦係香港作曲家及作詞家協會會員。
龍緯汶2019年5月17號俾差人拉咗，懷疑佢藉支援南亞人士期間，涉嫌非禮同製作兒童色情物品。網上早排流傳龍緯汶同南亞兒童嘅親暱照，包括擁抱女童、俾女童坐大髀同埋同女童挨著瞓覺。據了解，佢拍攝一名年約7至8歲嘅女童私處。[2]
屋企[編輯]
學歷[編輯]
龍緯汶之前喺香海正覺蓮社佛教普光學校畢業。
龍緯汶喺1993年考入嶺南大學，就讀社會科學系，1996年畢業。
政途[編輯]
龍緯汶之前做過葉樹安嘅議員助理，喺2004年2月同埋班南亞少數族裔成立南方民主同盟。
2005年起，龍緯汶俾政府委任做影事及娛樂事務管理處電視以及電台廣播諮詢小組組員。2007年，佢俾深水埗區議會委任做社區事務委員會關注南亞裔人士生活工作小組成員。
2003同埋2007年，佢都參加過區議會選舉，不過輸咗。
龍緯汶現時正為網絡電台Onairpower擔任節目「詹士與你論盡天下事」，「少數族裔世界」，「荒漠甘泉」同埋「歷史縱橫」嘅主持同埋監製。
參考[編輯]
- ↑ 〈龍緯汶: 社民連的橫蠻及無理〉. 喺2019年5月17號搵到.
- ↑ 〈on.cc 東網 東方報業集團 - 涉非禮女童影私處 民主派人士龍緯汶被捕〉. m.on.cc. 喺2019-05-17搵到.
