創紀之城六期
創紀之城六期（英文：Millennium City 6）係香港創紀之城嘅第六期建築，地址係九龍觀塘觀塘道392號，喺創紀之城一期隔離，由一座25層高嘅寫字樓同兩層高嘅商場組成。設有地面行車通道，直到地面大堂，並且貫通觀塘道同巧明街。創紀之城六期有大約2萬平方呎價樓面做商舖用途，主要吸納嘅租客有聘珍樓、大快活同Pacific Coffee等。
創紀之城六期嘅主要租戶包括科藝防火保安工程（香港）有限公司（11樓至12樓）、德國時尚品牌Hugo Boss（佔大樓2層樓面）。其他知名租戶包括American Express Global Business Travel（16-17樓）、環球唱片（註：包括同華星唱片合營嘅張國榮慈善基金會）（28樓全層）[1]、信安信託（亞洲）有限公司（30樓）UNIT 5B-7, 27/F赫伯罗特船務公司、利潔時，同埋由傳統商業核心區包括中環、灣仔、銅鑼灣同尖沙咀搬到東九龍嘅跨國或者大型企業。政府部門包括選舉事務處選舉部辦公室（8樓全層、15樓02室、23樓01-03室）[2]、選舉事務處資訊科技管理部（26樓05B、06-07室）、民政事務總署嘅觀塘民政事務處（21樓）、觀塘區議會秘書處嘅辦事處（20樓05-07室）、民眾安全服務隊（19樓03室）、醫療輔助隊（19樓05室）、勞工處-職業安全及健康部-鍋爐及壓力容器科（20樓），同埋醫務衞生局轄下嘅自願醫保計劃辦事處（29樓2902室）。
