加多寶
提示：呢篇文講嘅唔係王老吉。
加多寶（粵拼：gaa1 do1 bou2）係一個以香港為基地做飲料生產同銷售嘅屬下集團——加多寶嘅涼茶品牌。佢嘅包裝同王老吉一樣，都係紅罐裝，但係創辦時間同人物都唔一樣。加多寶涼茶係由陳鴻道喺1990年嗰陣，同王老吉傾咗吓點樣用商標嘅嘢。後嚟同王老吉嘅傳人——王健儀達成咗共識先至開嘅一個涼茶廠商。雖然話佢嘅涼茶早喺1992年就喺東莞開廠嚟賣，但由於中國內地嘅商標法喺1983年正式實施咗，嗰時廣藥集團嘅前身——羊城製藥廠，已經事先註冊咗「王老吉」嘅商標嚟生產藥品，所以嗰時陳鴻道出嘅涼茶凈係用咗「清涼茶」嚟做佢嘅商標名。
「王老吉」同「加多寶」商標之爭
[編輯]雖然話加多寶喺2002年開始同王老吉一齊合作到2014年先至結束[1]。但係到咗2011年初，廣藥宣佈由王老吉藥業代售白雲山製藥出嘅白雲山涼茶，重將呢個產品合併，入去王老吉嘅銷售渠道，結果激嬲咗王健儀。之後王健儀喺2011年3月第一次公開話支持加多寶對王老吉品牌嘅貢獻[2]。就喺嗰年12月俾王老吉打咗官司。後嚟喺2012年5月9號嘅仲裁委員會話加多寶嘅2份補充協議喺2012年5月2號到咗期（啫係話冇咗商標權）[3]，而加多寶就話有協議講喺2013年先至到期[4]。
喺2011年——2012年5月，佢出嘅紅罐產品印住「加多寶喺王老吉度出嘅」（簡化字：加多宝出品王老吉），喺2012年5月就改咗名嗌「加多寶」。後嚟加多寶公司重喺電視、出面嘅邊隻廣告牌入面話「全國銷量領先嘅紅罐涼茶改咗名嗌加多寶」（簡化字：全国销量领先的红罐凉茶已改名加多宝）[5]、「重係用返原嚟嘅料同味」（簡化字：还是原来的配方 还是熟悉的味道）嘅誤導標語。
而廣藥集團成立嘅全資子公司——廣州王老吉大健康產業公司。喺商標侵權案出咗結果之後幾日，廣藥通過廣州王老吉大健康產業有限公司（嗰時唔係綠盒包裝嗰個王老吉藥業）都發佈咗佢哋嘅紅罐王老吉，不過重係用返「涼茶祖先王老吉」（簡化字：凉茶始祖王老吉），同之前嘅加多寶差唔多噉。而電視廣告就用咗佢之前寫嘅「怕熱氣飲王老吉」（簡化字：怕上火，喝王老吉。）嘅標語。[6]而喺平面廣告都用咗加多寶時期嘅嘢，重話清紅罐「紅罐王老吉未改過名」（簡化字：红罐王老吉从未更名），同埋「任何宣傳紅罐已經改咗名嗌『XXX』嘅都係流嘢」（簡化字：任何宣传红罐更名均属虚假信息）嘅標語。
之前喺廣藥生產嘅王老吉冇喺港澳臺同海外地區賣過，所以呢啲地區賣嘅鴻道產品都係用「王老吉」嘅商標。但係到咗2013年初，香港同臺灣賣嘅王老吉冚唪唥一窩蜂噉改嗮嗌「加多寶」。而海外地區（例如馬來西亞）出嘅都重係用緊「王老吉」嘅名。
2013年1月31號，廣州市中級人民法院就話加多寶即刻唔畀用「全國銷量領先嘅紅罐涼茶改咗名嗌加多寶」或「加多寶喺王老吉度出嘅」或同佢差唔多意思嘅嘢，因為呢啲都可以俾法院話係虛假宣傳[7]。就喺2013年2月4號，加多寶喺官方微博就連續法咗4次「對唔住」（簡化字：对不起）嘅標語俾好多人關注咗。就喺2013年12月20號，廣州市中級人民法院就宣判咗呢單侵權案，話加多寶公司即刻停止用呢啲廣告語，賠返廣藥集團經濟損失等1081萬蚊多啲，重喺媒體度公開道歉[8]。
攷
[編輯]- ↑ 〈王老吉1.6億售48％予港資〉。文匯報。2004年11月29日。原著喺2012年8月23日歸檔。喺2012年6月27日搵到。
- ↑ 〈"王老吉"恩怨录〉。《王一点》。南方人物周刊和网易。5 June 2012。原著喺2012年6月13日歸檔。喺2012年6月24日搵到。
- ↑ 〈王老吉商标仲裁 归属之争落幕〉。HFC。2012年6月10日。原著喺2014年10月17號歸檔。喺2014年10月11日搵到。
- ↑ 〈王老吉热销引出惊人内幕：陷一山难容两虎困境〉。《京华时报》。新华网。2008-06-25。喺2012-08-24搵到。
- ↑ 〈广药搬救兵扩产能 加多宝砸钱求应对〉。南方日报。2012-06-19。原著喺2014-01-09歸檔。喺2012-08-24搵到。
- ↑ 〈新装红罐王老吉震撼亮相长城 五年实现300亿销售〉。广药网。2012年6月3日。喺2012年6月24日搵到。
- ↑ “对不起”体PK“没关系”体王老吉、加多宝大战营销贺岁-新浪新闻
- ↑ 加多宝一审被判赔偿广药１０８１万多元 互聯網檔案館嘅歸檔，歸檔日期2013年12月24號，.，亚太日报，2013年12月23日