加沙之戰 (2007年)

出自維基百科,自由嘅百科全書
跳去: 定向搵嘢
加沙之戰
法塔克同埋哈馬斯嘅衝突嘅一部分
日期 2007年6月12號 - 6月14號
地方 加沙地帶
結果 哈馬斯
邊個打
哈馬斯 法塔克
死傷
22死 77死
17死(平民)[1]

加沙之戰阿拉伯文معركة غزّة)喺2007年6月12號至到6月14號發生,結果哈馬斯控制咗加沙地帶。喺法塔克同埋哈馬斯嘅衝突6月10號死灰復燃之後,哈馬斯承諾會清除加沙地帶所有法塔克嘅活躍分子。

背景[編輯]

6月10號,哈馬斯武裝分子挾持咗幾個法塔克成員,將其中一個叫Mohammed Sweirki,係巴勒斯坦總統侍衛嘅,由加沙最高嘅嗰座樓,一間15層樓高嘅住宅大廈,掟咗落街。法塔克嘅武裝分子為咗報復,殺咗一間寺嘅負責人Mohammed al-Rifati。佢哋又向首相Ismail Haniya嘅住所開火。啱啱好半夜之前,有個哈馬斯嘅武裝分子俾人由間12層樓高嘅大廈掟咗落街[1]

6月11號,法塔克嘅領導人同埋巴勒斯坦自治政府主席阿巴斯,同埋當時嘅哈馬斯首相Ismail Haniya嘅屋企俾槍同埋炸彈襲擊。[2]

襲擊[編輯]

加沙地帶

6月12號哈馬斯開始攻擊俾法塔克分子佔領嘅據點。幾百個哈馬斯武裝分子畀咗兩個鐘頭期限嗰啲喺裏面嘅人,然後就佔領嗰啲地方。

有個目擊者同法新社講話,一個喺北面嘅法塔克基地叫做Jabaliya嘅城市俾哈馬斯佔領咗。喺加沙市法塔克總部周圍發生咗嚴重嘅械鬥,哈馬斯嘅武裝分子重用火箭炮同埋自動武器嚟打[3]

6月13號,哈馬斯攞咗加沙北部原本係法塔克控制嘅國家安全部。槍手想攞高樓大廈嚟做據點,而哈馬斯就話佢哋已經消滅咗一個喺加沙南北向嘅大路上面嘅一個法塔克據點。喺同一日,同法塔克有聯繫嘅預防性保安部隊總部俾人炸咗,死咗五個人[4]

6月14號,哈馬斯槍手終於攞咗加沙地帶巴勒斯坦預防性保安總部嘅中央大樓。哈馬斯嘅成員攞晒嗰度俾人視為係巴勒斯坦自治政府喺加沙嘅象徵嘅車同埋武器。預防性保安部隊曾經同以色列合作,象徵人物係法塔克嘅Mohammed Dahlan。入去嘅槍手喺嗰度祈禱,然後喺屋頂揮旗。至少10個人死咗。哈馬斯嘅電視台展示咗大廈裏面嘅武器,另加有喺嗰度搵到嘅吉普車炸彈同埋避彈衣。根據哈馬斯所講,呢啲嘢係喺呢幾個月以嚟以色列同埋美國埃及偷運入去嘅。[2]

哈馬斯嘅成員喺佢哋叫做「謬論建築群」嗰度祈禱。哈馬斯亦都將附近原本叫做「Tel al-Hawa」嘅地方改名做「Tel al-Islam」。[3]

喺6月14號下晝,美聯社報道話加沙市有爆炸。法塔克嘅官員話係保安部隊由崗位撤走然後炸咗個地方,費事俾哈馬斯攞咗。保安部隊之後去咗第二啲地方駐守。同一日哈馬斯控制咗另一個喺加沙地帶南部嘅,俾以色列、巴勒斯坦同埋歐盟保安部隊監察嘅城市拉法。歐盟嘅人事前已經因為安全理由撤走去以色列嘅Ashkelon[4]

政治後果[編輯]

巴勒斯坦自治政府主席阿巴斯宣佈解散國會同埋進入緊急狀態[5][6]巴勒斯坦自治政府首相Ismail Haniya俾人炒,重有阿巴斯透過主席命令統治加沙同埋西岸。哈馬斯發言人Sami Abu Zuhri回應話阿巴斯嘅決定係「以習慣上嚟講…唔值得」,認為Haniya就算主席炒佢都重係政府嘅阿頭」[7]

就咁樣巴勒斯坦自治區自動俾人分做兩部分:俾哈馬斯控制嘅加沙地帶同埋法塔克管嘅西岸。

國際態度[編輯]

美國、歐盟同埋以色列,普遍支持實際控制西岸嘅巴勒斯坦自治政府。喺6月18號,美國同歐盟分別宣布,同巴勒斯坦自治政府恢復正常關係,同埋經濟援助,以色列叫巴勒斯坦自治政府做「夥伴」,而且已經將哈馬斯上台嗰陣凍結嘅關稅,全部交番畀巴勒斯坦自治政府[8]

參考[編輯]

  1. Article in The Australian, CNN article
  2. http://www.ynetnews.com/articles/0,7340,L-3412813,00.html
  3. http://www.ynetnews.com/articles/0,7340,L-3412813,00.html
  4. update, cnn.com
  5. Abbas Dissolves Palestinian Authority Government in Wake of Hamas-Fatah War. 2007-06-14. 喺2007-06-14搵到;. 
  6. Levinson, Charles; Matthew Moore. Abbas declares state of emergency in Gaza. 2007-06-14. 喺2007-06-14搵到;. 
  7. Abbas sacks Hamas-led government. 2007-06-14. 喺2007-06-14搵到;. 
  8. Key powers back Abbas government. 2007-06-18. 喺2007-06-18搵到;.