搶嘢
(由劫案跳轉過嚟)
「老笠」跳轉到呢度。想搵港產片，請睇「老笠 (電影)」。 |
搶嘢（粵拼：coeng2 je5）又嗌打劫（粵拼：daa2 gip3）、搶劫（粵拼：coeng2 gip3）、老笠（粵拼：lou5 lap1），係種破壞私有產權嘅行為，用暴力抑或威脅手段搶走同埋攞走人哋財產，而唔係對方自願交出嚟嘅。搶嘢嘅人通常係明目張膽，亦因為噉同鬼鬼鼠鼠嘅偷嘢唔同，不過都係唔道德行為，甚至多數國家當搶嘢係種犯罪。若果用到武器搶人哋財物嘅罪行，就嗌持械行劫，簡稱械劫。
法律
[編輯]
搶嘢嘅最低刑罰係3年以上嘅有期徒刑，最高刑罰係死刑。搶嘢亦畀人列做八大罪之一，所以多數判刑會判得重啲。
香港有條搶劫罪，條例第10條寫到明，乜嘢人都好，如果有偷嘢嘅行為，而喺偷嘢之前或者偷嘢嗰陣，為咗達到偷嘢呢個目的而向任何人用武力，抑或諗住令人驚會喺當時當地受到武力對付，就屬於犯咗搶劫罪。若果定罪埋嘅話，至嚴重係會終身監禁嘅。
澳門《刑法典》規定，「搶劫」係侵犯他人財產同埋人身權嘅複合型犯罪，要符合「搶劫」有兩樣基本要素，包括攞走他人財物同埋使用暴力。一經定罪，普通搶劫罪嘅刑罰係一年至八年徒刑[1][2]。
犯罪成因
[編輯]- 細路仔唔知攞人嘢要得人同意，如果唔係就叫做搶，自細家長學校冇教。
- 明知唔好，不過真係幾日冇嘢落肚，好口渴好肚餓，有嘢食咗先算。
- 貪心
- 俠盜精神
- 反社會人格
- 以為同對方玩吓
- 插贓嫁禍
- 壞朋輩學英雄
- 食咗藥精神異常，唔知搶咗嘢
防止方法
[編輯]- 公德教育
- 全面執法、並有阻嚇性刑罰
- 加強自身保護，自衛術
影視作品
[編輯]睇埋
[編輯]參考
[編輯]- ↑ 〈澳門日報—— 認識澳門法律- 構成搶劫罪〉。《澳門特別行政區法務局》。喺2007-01-15搵到。
- ↑ 〈搶劫罪- 暫緩執行刑罰 - 澳門特別行政區法院〉。《澳門特別行政區法院》。
 |