動量投資

動量投資（英文：momentum investing）係投資策略一種，指個投資者集中於買啲近排喺度升值嘅股票：

動量投資嘅觀點主張，最能夠預測一隻股票嘅未來價錢嘅資訊就係嗰隻股票早排（一般係過去 3 至 12 個月）嘅價錢－就好似股價嘅上落會有動量（momentum）噉，一隻股票愈升佢股升勢就會愈勁，一隻股票愈跌佢股跌勢就會愈勁，所以投資者要做嘅就係「買嗰排升勢勁嘅股票」同埋「賣嗰排跌勢勁嘅股票」。採取動量投資策略嘅投資者好睇重評估股價嘅升勢同跌勢，途中成日都會用到數據科學（data science）上嘅技術。