包公廟 (香港)

包公廟係香港一間供奉包拯（尊稱包公）嘅廟，喺香港島灣仔南部隆安街2號，近堅尼地道同石水渠街一帶，灣仔玉虛宮嘅側邊。

歷史[編輯]

包公廟喺清朝同治元年（1862年）起，嗰時香港貪污風氣利害，產生唔少冤案，民眾就將以清廉公正聞名嘅北宋官員包拯設廟供奉，殖民地政府時期做過按察司嘅安士迪（T.C. Anstey）亦有入鄉隨俗，喺審理冤案之前去到廟參拜一番。

喺七丶八十年代嘅香港，更有同名嘅長篇電視劇熱播。

包公廟嘅殿上供奉咗包公神像，喺正中間放置寫上「包公丞相」四個字嘅橫織錦帳額，兩邊分別擺咗長旗，繡上「龍圖學士包公丞相」八個大字。