北京展覽館
| 北京展覽館 | |
|---|---|
 | |
| 明細 | |
| 之前嗌過 | 蘇聯展覽館 |
| 類型 | 展覽館[*] |
| 用途 | 北京展覽館 |
| 設計 | 安德列夫（俄） 郭赫曼（俄） 戴念慈 毛梓堯 周永源 |
| 建築主 | Beijing Tourism Group[*] |
| 事業主 | 北京市人民政府 |
| 構造 | 新古典主義，蘇聯式 |
| 逳手 | 1953年10月15號 |
| 落成 | 1954年9月10號 |
| 喺邊 |  中國北京西城區西直門外大街135號 |
| 座標 | 39°56′26″N 116°20′38″E / 39.940599°N 116.3437621°E |
| 網站 | http://www.beijingzhanlanguan.cn |
北京展覽館係中國北京嘅古典建築，1954年9月10號起好，位置喺西城區西直門外大街135號。佢係北京第一間大型同綜合性嘅展覽館[1]。
歷史[編輯]
嗰個館係喺蘇聯援助下，喺1954年9月10號完工。嗰個館嘅建設歷時1年，中國廿幾個援建省、1萬幾名工人、6千幾個中國人民解放軍戰士參加咗建設[2]。毛澤東親筆題寫咗館名「蘇聯展覽館」。1958年，根據周恩來嘅意見，「蘇聯展覽館」改名做「北京展覽館」[3]。
嗰個館建成後嘅首個展覽係蘇聯領導人赫魯曉夫訪華時嘅1954年10月2號舉辦嘅「蘇聯經濟及文化建設成就展覽會」，展出咗蘇聯帶來嘅11500幾件商品。隨後，嗰個展覽館相繼舉辦「捷克斯洛伐克十年社會主義建設成就展覽會」、「日本商品展覽會」[2]。
佔地面積約14萬平方米，依家入面設有4間經營單位：北京展覽館展覽中心、北京展覽館劇場、莫斯科餐廳、北京展覽館賓館[4]。
建築[編輯]
該館係俄國式建築，造型典雅。該館中央建築上方有一高塔，塔尖上有一粒紅五角星；兩側係18條高大嘅雕花立柱組成嘅弧形柱廊，整體氣勢厚重磅礴。該館前面重設有巨型噴水池[2]。
喺1953至1954年嘅建設施工中，要將幾噸重嘅紅五角星吊上離地面103米嘅空中，並安放到塔尖上。豐台橋梁廠一班老師傅提議採用滑輪滾杠嘅土法吊裝。蘇聯專家起初反對，後來同意嘗試，最終吊裝成功。1976年唐山大地震，塔尖紅星受損，此後重新安裝過一粒紅星，比原先嘅輕，為內裝128盞燈嘅不銹鋼框架，重750公斤，直徑2.5米[2]。
北京展覽館展覽中心[編輯]
北展展覽中心隸屬於北京展覽館，係「從事組織策劃展會及活動、場地銷售、運營服務、工程搭建，為展會提供項目全程接待、延伸服務的專業展館」[5]。
北京展覽館擁有場館及會議設施。場館總面積達到3萬平方米。其中，室內展館面積為2.2萬平方米，室外展場面積為1萬平方米，由12個展廳組成[6]。
北京展覽館劇場[編輯]
_-_panoramio.jpg)
北京展覽館劇場（英文：BEIJING EXHIBITION CENTER THEATER）（以下簡稱「北展劇場」）起初係個露天劇場，始建於1954年。1959年加頂，改建成室內劇場。劇場舞台台口闊18米，共有43排2763個座位。該劇場初建時，蘇聯各個芭蕾舞團、交響樂團、合唱團經常喺度演出[7]。
如今，北展劇場依然係北京重要嘅演出場所之一。直徑62米嘅觀演大廳中，設有2700幾個觀眾席，係北京客容量最大嘅專業演出劇場。北展劇場舞台面積400幾平方米，其中可升降樂池嘅面積為50平方米；後台設有演員化妝間6間，可以畀200多人同時化妝。北展劇場以舉辦大型芭蕾舞、交響樂、歌劇、舞劇、演唱會同埋相聲為主[8]。
莫斯科餐廳[編輯]
.jpg)
從北京展覽館西側繞過北展報告廳，就去得到莫斯科餐廳。佢係北京首間對外開放嘅特級俄式西餐廳，被親切地俗稱為「老莫」。該餐廳設有旋轉門、華麗嘅大吊燈、青綠雕花銅柱、高腳杯，一派富麗堂皇[2][9]。
1954年10月，莫斯科餐廳建成。當時，餐廳門口站有軍區部隊調來嘅警衛，廚房請蘇聯大廚燒製俄羅斯宮廷菜，餐具器皿都係銀質，用餐時播放《莫斯科郊外的晚上》、《喀秋莎》、《紅莓花兒開》等樂曲，同埋柴可夫斯基嘅《六月船歌》、《悲愴》等古典音樂。起初來餐廳幫襯嘅唔係一般人，須憑票進入。1954年10月27號，中央民委喺呢度宴請前來北京展覽館參觀嘅達賴、班禪同西藏僧俗官員。1957年，朱德到莫斯科餐廳就餐，餐廳主廚王兆忠特意為朱德整咗兩個巨型糖花：一座係克里姆林宮，一座係天安門[2]。
後來，莫斯科餐廳逐步對外開放，出現咗針對高級知識分子嘅對外贈券，平民百姓有錢都食得。作家吳歡曾經笑住話：「上世紀五六十年代去一次老莫了不得，恨不得半年都得說道說道！」嗰時，一級教授季羨林都鍾意去莫斯科餐廳，後來佢對媒體回憶講，當時自己每月工資345元，加上中國科學院學部委員嘅津貼每月100元，共445元，而去莫斯科餐廳食一次，大約需要1.5元至2元，湯菜都有，重有黃油面包，以及一杯啤酒。莫斯科餐廳嘅食客唔只有黨和國家領導人，重有末代皇帝溥儀、作家章詒和，《魯迅傳》嘅導演陳鯉庭、演員于藍等等[2]。
文化大革命期間，北京嘅各軍區大院嘅子弟為莫斯科餐廳起咗「老莫」呢個花名。姜文嘅電影《陽光燦爛的日子》入面，馬小軍、劉憶苦等等大院子弟喺莫斯科餐廳入面聚眾傾計，喺精神空虛嘅歲月入面，呢啲熱血青年喺「老莫」回味往日時光，尋求精神慰藉[2]。
1995年出版嘅一本畫冊嘅序言入面，有畫家黃永玉寫嘅《大家張伯駒先生印象》，寫到1982年黃永玉帶老婆去莫斯科餐廳食飯，「忽見伯駒先生蹣跚而來，孤寂索漠，坐於小偏桌旁。餐至，紅菜湯一盆，面包果醬，小碟黃油兩小塊，先生緩慢從容，品味紅菜湯畢，小心自口袋取出小毛巾一方，將抹上果醬及黃油之四片面包細心裹就，提小包自人叢緩緩隱去……」呢個係因為張伯駒嘅妻子潘素病咗，呢個小方巾包裹嘅面包係拎返屋企畀潘素食嘅。黃永玉評價張伯駒：「富不驕，貧能安，臨危不懼，見辱不驚……真大忍人也！」[2]
北京展覽館賓館[編輯]
北京展覽館賓館係一間中外合資酒店，喺北京展覽館院入面。酒店喺1988年開業，2004年重新裝修。主樓高7層，客房246間[10]。
參考[編輯]
- ↑ 〈完善布局 助推展覽升級，北京商報，2014-01-09〉. 原著喺2015-05-13歸檔. 喺2017-03-18搵到.
- ↑ 2.0 2.1 2.2 2.3 2.4 2.5 2.6 2.7 2.8 〈西直門：窗口與味蕾，千龍網，2013-10-15〉. 原著喺2019-07-19歸檔. 喺2017-03-18搵到.
- ↑ 〈歷史回眸，北京展覽館，於2014-01-09查閱〉. 原著喺2017-07-06歸檔. 喺2017-03-18搵到.
- ↑ 〈北京展覽館，北京展覽館，於2014-01-09查閱〉. 原著喺2014-01-09歸檔. 喺2017-03-18搵到.
- ↑ 〈中心介紹，北京展覽館，於2014-01-09查閱〉. 原著喺2016-03-04歸檔. 喺2017-03-18搵到.
- ↑ 〈全館展示圖，北京展覽館，於2014-01-09查閱〉. 原著喺2016-03-04歸檔. 喺2017-03-18搵到.
- ↑ 〈老北京的影劇院，網易，2010-03-07〉. 原著喺2018-02-15歸檔. 喺2017-03-18搵到.
- ↑ 〈北京展覽館劇場，北京展覽館，於2014-01-09查閱〉. 原著喺2017-07-06歸檔. 喺2017-03-18搵到.
- ↑ 〈關於我們，莫斯科餐廳，於2014-01-09查閱〉. 原著喺2017-07-08歸檔. 喺2017-03-18搵到.
- ↑ 〈北京展覽館賓館，陽光旅行網，於2014-01-09查閱〉. 原著喺2014-01-09歸檔. 喺2017-03-18搵到.
