北大村

北大村（粵拼：bak1 daai6 cyun1）係中國村名，可以係：

• 海南萬寧嘅村，請睇《北大鎮》

  村名跟咗上頭嘅鎮名。鎮名係話呢度位於萬寧嘅西北面，地處山區，兼且地方大，即係「北邊嘅大山區」噉解。

  民國時佢叫新富鄉（san1 fu3），1942年日軍登陸萬洲，當時呢度嘅加槽村係共產遊擊隊嘅據點，1943年當地嘅國共兩黨合作，以尖嶺河、石殿嶺做界，南面係國民黨地盤，北面係共產黨地頭。

• 吉林省吉林市蛟河嘅村，請睇《拉法街道》

  清光緒元年（1875年）開始有人住，當時呢度墾荒嘅人好多，所以啲人嗌佢做大屯（daai6 tyun4）；因爲佢喺蛟河城嘅北面，所以1945年開村時加多「北」字叫北大。

  呢度有豐富嘅文物遺址。有北山遺址、北山墓群、東北山遺址、東北山墓葬，佢哋都屬西團山文化，出土咗陶器、石斧、石鑿、石製網墜、陶鼎隻腳同對耳、陶片、石棺、陶製紡轆。其中北山、東北山遺址喺1985年全國第二次文物普查時發現，北山墓群、東北山墓葬喺2009年第三次文物普查發現。

  1933年呢度屬滿洲國新站保嘅老院甲，1946年屬拉法區，設北大村，1954年屬拉法鄉，1959年屬拉法公社，改做管理區，1962年改成大隊，1983年設村委會。

• 雲南昆明石林嘅村，請睇《石林街道》
• 河北張家口赤城嘅村，請睇《赤城鎮》

  中共佔領後，以縣城嘅鼓樓做中間心，劃分咗四個大村，而佢喺城北，所以叫北大。

出面網頁

• 中國國家地名信息庫