十三點係個俗語，亦會簡稱為十三，係形容一個人性格或言行瘋瘋癲癲，舉止輕浮，做事大癲大肺，唔經大腦，通常用於形容女人。
關於俗語話人瘋瘋癲癲，呢個意思嘅起源說法不一，有指此語本身係上海市井俚語，於1949年以後大量上海人南移，而變成咗趣怪廣州話。十三點初時意思係「敲亂鐘」，原來舊時嘅鐘，每個鐘頭報時一次，下晝四點，就敲響四下，五點敲五下，至多係十二點，有時會敲響十三下，出咗問題，亦即係俗語所講嘅「癲癲哋」。
想搵第二個意思嘅話，請睇13點。
