十年台灣

出自維基百科,自由嘅百科全書
跳去導覽 跳去搵嘢

十年台灣》係「十年國際計劃」嘅作品之一,台灣五個新生代導演:勒嘎、鄒隆娜、呂柏勳、謝沛如、廖克發,以佢哋獨特嘅眼光,製作出五部唔同風格嘅短片,重點放喺環境同文化方面,講述佢哋眼中台灣嘅未來。

[編輯]

惡靈罐頭[編輯]

  • 導演:勒嘎・舒米
  • 2027年一位蘭嶼島上嘅達悟族獨居老人,平日靠種植芋頭維生,過住睇落係安詳平靜嘅生活,但係喺佢心裏面有個埋藏咗好多年嘅恐懼,而隨住一場颱風嘅侵襲,呢個世人已經遺忘嘅恐懼將會再出現。

942[編輯]

  • 導演:鄒隆娜
  • 2017年9月30號、2027年9月30號,各有兩個編號都係942同899嘅外籍女看護,喺唔同時空都遇到類似情況,互相影響住對方嘅命運。

路半[編輯]

  • 導演:呂柏勳
  • 描繪喺鄉村生活嘅東洋點樣掙扎喺城市同家鄉之間,盼望能夠搵到自己嘅路。

蝦餃[編輯]

  • 導演:謝沛如
  • 寶寶鮮味蝦餃拍攝一個團年飯廣告,廣告構思係創造完美嘅家庭形象,但係原本廣告中最重要嘅角色BB突然放飛機,令到董事長好不滿,為咗廣告能夠繼續拍攝落去,製片阿強急需要搵到一個BB代佢,但係城市人唔再願意生育下一代,甚至連醫院嘅婦產科都被迫關閉,要搵一個BB一啲都唔容易。

睏眠[編輯]

  • 導演:廖克發
  • 喺未來嘅世界,人可以購買「睡眠服務」,可以選擇自己嘅夢境,進入深沈嘅睡眠,以尋求現實之外嘅平靜嘅想象。

睇埋[編輯]

[編輯]

出面網頁[編輯]