中華基督教會協和書院

中華基督教會協和書院（英文：The Church of Christ in China Heep Woh College），簡稱協和書院（Heep Woh College或者C.C.C. HWC），係香港一間Band 1英文中學，喺九龍慈雲山蒲崗村道171號，宗教背景係基督教。

協和書院校訓係「爾識真理，真理釋爾」。[When you know the truth; the truth will set you free.]

辦學宗旨

秉承中華基督教會香港區會「透過學校，傳道服務」嘅精神，貫徹啟發學生嘅潛能、培養學生德、智、體、群、美、靈六育，達至「進德修業，榮神益人」嘅目標。

年份	事件
1911	美國碧盧夫人（Mrs. Lear Biglow）喺廣州西關建立協和幼稚園。
1921	喺廣州市西買地五十幾畝起校舍，增設小學部。
1931	中華基督教會廣州協會加入贊助。廖奉靈碩士到任校長，向政府辦理立案，改辦為中學，定名協和女子中學校，校訓係爾識真理，真理釋爾。
1947	校長同施禮嫦女士來港策劃設校，租咗九龍根德道22號做校址。
1956	協和獲美國長老會捐助四萬元，喺西洋菜街買校舍。喺中華基督教會香港區會總幹事汪彼得牧師嘅協助之下，向政府攞到太子地段萬幾呎自建校舍。
1969	轉為津貼小學。同年攞到慈雲山地段五萬幾呎，起協和書院。
1971-9	搬入新校舍上堂，校舍曾經攞過東南亞學府設計獎。

2005年9月，為配合學校發展起咗新翼。