沙田培英中學
| 沙田培英中學 | |
|---|---|
 「信、望、愛」 | |
| 位置 | |
| 香港沙田禾輋邨豐順街9號 | |
| 明細 | |
| 類 | 津貼男女中學 |
| 校訓 | 「信、望、愛」 |
| 成立 | 1978年 |
| 校長 | 陳麗芬女士 |
| 校工人數 | 大約70人 |
| 註冊學生人數 | 大約720人 |
| 資料 | (852) 2691 7217 |
| 網站 | http://www.pyc.edu.hk/ |
沙田培英中學（英文：Shatin Pui Ying College）喺香港新界沙田嘅禾輋邨，喺1978年建校，同沙田蘇浙公學起埋一齊，係一間基督教嘅英文中學。全間學校總共有廿四班，中一至中六各四班。校徽裏面隻鷹代表勇氣同埋決斷力。
辦學宗旨
[編輯]學校嘅校訓係「信、望、愛」，辦學宗旨係「培育英才」，教導方面就著重德、智、體、羣、美、靈六方面。學校又鼓勵學生擴闊視野同埋發揮潛能，提高佢哋嘅人文素養，變成有領袖才能嘅學生，令佢哋第日可以貢獻社會。
間學校自1998年9月開始俾教統局准用英文上堂，令到啲學生講英文嘅能力好啲。
校史
[編輯]沙田培英中學嘅校祖那夏禮牧師嚟自美國，係美國長老會嘅傳教士。佢喺1879年喺廣州城西沙基度開咗間學校。之後又起咗「廣州培英」、「台山培英」、「江門培英」同埋「香港培英」。
為咗紀念「培英」創校嘅百周年，中華基督教會香港區會走去支持起呢間學校，叫做「培英」嘅第五間中學。間學校原定喺1979年9月開始上堂，不過因應教育署要求，咁就提早咗一年去到1978年，重要借用埋喺沙田瀝源嘅浸信會呂明才中學先可以上堂，由黃衛華做校長。開校第一年得十二班中一，有16個先生。直到1979年9月先至搬到沙田禾輋。
間學校嘅圖書館最初喺學校嘅三樓，1982年9月先至正式啟用，嗰時只有三千幾本書。嗰時圖書館分為藏書閣、工作房同埋自修室三個部分，自修室係有多個用途嘅特別室，又做咗先生嘅會議室，又做咗流動班用嚟上堂嘅課室。圖書館用電腦入咗好多書嘅資料之後，就喺2001年9月開始全部用電腦嚟做嘢。
間學校喺2005年7月起咗棟新翼大樓，裏面有中四、中六及中七級嘅課室、活動室、圖書館同埋電腦室。
間學校喺1994年11月整咗個學生會同喺1995年整咗個家長教師會。間學校由1995年9月開始逐年調整啲班級嘅結構，令到學校喺1997年9月嘅時候，由中一至到中五每級有五班。1996年8月嘅時候黃衛華校長退咗休，由邱藹源副校長做落去，又喺同一年嘅9月開始，間學校取消咗「精英班」制。
培英大家庭
[編輯]間學校同廣州培英中學、西關培英中學、台山培英中學、江門培英中學同埋喺香港華富村嘅香港培英中學好有聯繫，成日喺校慶嘅期間舉行啲師生交流嘅活動。全球好多地方都有培英嘅校友會，包括美國、加拿大、紐西蘭、澳洲、英國、南非、日本、秘魯、新加坡、泰國、廣州、台山、江門同埋臺灣。
舊生
[編輯]- 香港無綫電視前藝員黎美嫻
- 香港流行歌手容祖兒
- 香港配音員何璐怡
- 香港少女模特兒劉欣宜（E-Cup Baby）
- 香港少女模特兒陳靜儀（Mia）
- 香港足球員陸冠邦
- VB編寫程式參考書作者蔡智夫
- 香港演員盧海鵬