南洋勸業會

出自維基百科,自由嘅百科全書
Jump to navigation Jump to search

南洋勸業會,全名南洋勸業博覽會,又叫江寧賽會,係喺1910年中國南京舉辦嘅第一次博覽會

鴉片戰爭之後,由於係咁畀列強侵略同掠奪,市場上充斥住啲洋貨,工商業幾乎破產。嗰陣時兩江總督端方、南洋新兵督練陳祺同江蘇巡撫陳啟泰等,參觀過美國聖路易斯萬國博覽會、比利時黎業斯博覽會同義大利米蘭博覽會之後,返返中國,就喺一批實業家支持之下,奏准搞返個博覽會,目的係獎勸農工,振興實業。

於是喺1908年9月,南洋勸業會籌備事務所喺南京成立。搞咗一年半,終於喺清宣統二年(1910年四月二十八日隆重開幕。

博覽會有好多唔同嘅展品,主辦單位將佢哋分成24部,420類。根據性質,分為教育、工藝、農業、美術、衛生、武備、機械、通運、水族等唔同場館;另外各省區重有自己專館,展覽佢哋地域特色嘅嘢。好似有湘繡、紹興黃酒、金華火腿、杭州剪刀、宜興紫砂壺、福州脫胎漆器等。

喺嗰陣重係叫好罕有嘅玻璃工藝製品都有。最特別連棺材都有[1][2][3]

除咗博覽會之外,重有人搭單搞咗個運動員,而且係參考奧運一樣咁搞[4]

參考[編輯]