南越筆記

出自維基百科,自由嘅百科全書
Jump to navigation Jump to search

《南越筆記》係中國清朝李調元嘅一部作品,內容係記載當時廣東事物,每卷一個主題,廣東嘅天文地理、經濟物產、人文會風俗、花鳥魚蟲各方面都有講。

李調元(1734年-1803年)廿九歲中乾隆二十八年進士,曾經做過廣東鄉試副主考同提督廣東學政。佢喺《南越筆記》嘅《序》入面話,「甲午(1774年)典試粵東」,可惜只係去過五羊城(即係現今廣州),「丁酉(1777年)之冬,復來視學」,可以睇勻全省各郡縣,於是寫咗呢本總共十六卷嘅《南越筆記》。

書中有啲條目係抄襲前人,例如「魚生」:「粵俗嗜魚生,以鱸、以𩼈、以鰽白、以黃魚、以青鱭、以雪魿、以鯇為上。鯇又以白鯇為上。以初出水潑剌者,去其皮劍,洗其血鮏,細劊之為片。紅肌白理,輕可吹起,薄如蟬翼。兩兩相比,沃以老醪,和以椒芷,入口冰融,至甘旨矣,而鰣與嘉魚尤美。」其實係出自屈大均嘅《廣東新語》。亦有啲條目,相信係聽返來,而唔係親眼見,就好似「海鰍」一條記載:「海鰍出,長亙百里,牡蠾蚌蠃積其背,聿兀如山。舟人誤以為島嶼,就之,往往傾覆。晝噴水為潮為汐,夜噴火,海面盡赤,望之如天雨火。」實在匪夷所思。

參考[編輯]

南越筆記