博勃瀚

出自維基百科,自由嘅百科全書
Jump to navigation Jump to search
博勃瀚肖像

博勃瀚(法文名︰Paul-Émile Lecoq de Boisbaudran,1838年4月18號1912年5月28號)係法國一個化學家。

祖先本來係新教貴族,好有錢。但係後來法王路易十四廢除咗南特敕令,驅逐新教徒,於是就家道中落。直到佢阿爸,就喺干邑做商人。佢阿媽好有教養,親自教授博勃瀚各國語文,於是佢就學識咗英文。大個咗,博勃瀚去咗巴黎綜合理工學院求學,而且自己整咗個實驗室,成果唔錯。佢早年所得,包括提取等等,都喺呢度進行。

一開初,博勃瀚專攻超飽和溶液,知道同晶鹽可以毀壞超飽和溶液嘅穩定性。後來改為主攻光譜學,研究稀土元素。佢先用本生燈火焰、電火花加喺各個元素度,前後試咗35種,分析佢哋個光譜,搵出佢哋嘅其異;然後按圖索驥,陸續搵到釤、、銪呢三種鑭系元素,佢哋都係稀土元素。

博勃瀚眾多研究中,以發現鎵最為有名。1875年,佢喺52公斤礦石樣本裏面,見到新光譜線,提取到氯化鎵幾毫克。跟住佢用咗好多好多礦石,終於攞到75克鎵,重計埋鎵個原子質量。因為咁,博勃瀚獲頒法國榮譽軍團勳章、戴維獎章同埋法郎成萬蚊。1888年,獲選為英國皇家學會外籍成員。

鎵嘅重要性,係在於佢證實咗元素週期表嘅推斷。1871年,門捷列夫,週期表嘅創製人,話喺週期表裏面,下底重有元素,重推論埋佢個性質。到博勃瀚搵到鎵,研究佢個性質,合乎門捷列夫個推論,證實咗佢講嘅嘢係啱嘅。

開初,週期表係無貴氣體呢一族嘅。1894年,氬氣呢樣嘢俾人搵到,博勃瀚即刻話,氬同其他元素唔同,應該要另開一族,即係而家嘅貴氣體族(第十八族)。

1895年起,博勃瀚週身病痛,又畀家事纏憂,於是就唔再點研究。1912年5月28日病死,享年74歲。

[編輯]