卡達菲

卡達菲

卡達菲（Muammar Abu Minyar al-Gaddafi） audio ，1942年6月—2011年10月20號）係利比亞革命領導人。1969年搞政變推翻利比亞王國，成為利比亞領袖到死。

前美國總統列根鬧過卡達菲係「癲狗」，指佢係搞柏林爆炸案嘅黑手。

卡達菲

1998年起，卡達菲提倡「泛非主義」同埋「非洲合眾國」嘅理念。而早喺1982年至1983年，卡達菲已經做過「非洲統一組織」（家下叫非洲聯盟）主席。

政治上，卡達菲被認為係獨裁者，不過喺伊拉克戰爭之後態度明顯有變，開始同西方國家搞好關係，決定唔再發展核武，又肯賠償畀洛克比空難嘅遇難者家屬。2006年5月，利比亞同美國恢復邦交。

2011年初開始，利比亞有示威要卡達菲落台，卡達菲派軍鎮壓，卒之搞到內戰。內戰爆發之後，西方國家就同佢畫清界線，以北大西洋公約組織為首發動軍事行動，對卡達菲嘅勢力猛烈空襲。同年8月，反對派攻陷的黎波里，卡達菲唔知去咗邊。2011年10月，卡達菲喺鄉下蘇爾特同第四仔一齊俾敵人捉到，之後冇耐傷重死咗，有人懷疑佢係畀人「私下處決」。

卡達菲喺死後五日，同佢第四仔一齊葬喺一個秘密地方。