去殖民化

去殖民化（英文：decolonization）又叫做非殖民化，係指去除同殖民有關嘅嘢，原指一個殖民地尋求獨立於殖民國嘅過程；但係近年，喺一啲國家，去殖化可以指第種過程，例如同被殖民嘅原住民和解，但係又唔涉及原住民獨立。不過無論係邊種，去殖民化都係一個相當複雜、漫長，而且又麻煩又難搞嘅過程，唔係簡單咁將舊有制度推倒重來就可以。

喺去殖民化嘅過程裡面，好多時係相當暴力嘅，尤其係一啲喺去殖民化嘅過程中出現咗民族主義情緒，而呢啲情緒又俾政客利用咗，喺度煽動殖民地居民作出叛亂嘅行動，結果越玩越死，甚至好似剛果咁從唔公平嘅殖民統治變成更慘既獨裁者統治。

其中一個唔涉及獨立嘅去殖民化例子係加拿大；喺嗰度，去殖民化係指根據真相與和解委員會嘅最終報告同加拿大原住民和解，份報告喺2015年已經出咗，但係7年之後，入面嘅94個建議只係做咗13項，即係做咗唔夠一成半。