反送中包圍立法會

出自維基百科,自由嘅百科全書
Jump to navigation Jump to search
反送中包圍立法會參加者

反送中包圍立法會」(又叫反逃犯條例修訂包圍立法會‎,參與者用嘅行動代號:野餐),係2019年6月11號深夜開始由香港市民自發嘅集會,主題係抗議香港立法會進行逃犯條例修訂草案(部份人、泛民主派叫做「送中條例」)嘅二讀。集會範圍初頭只係喺立法會綜合大樓隔籬嘅添馬公園,到6月12號朝早8點開始,有示威者先後衝出龍和道夏慤道金鐘道,癱瘓金鐘嘅交通,演化成「反送中佔領行動」(又叫反逃犯條例修訂佔領行動‎‎)。到下晝3點開始,有示威者用暴力衝擊警方防線,警方就出動催淚彈、布袋彈鎮壓,並開始金鐘一帶清場。到6月13號午夜,佔領道路嘅示威者陸續和平散去,經過當局通宵清理,被佔領道路喺同日朝早開返,但立法會周圍嘅路就繼續封。佔領完結後,有小量示威者繼續留守添馬公園嗰頭,暫未有發生大型衝突。

呢次行動令立法會原定嘅會議開唔成,政府總部啲人返唔到工。6月15號林鄭月娥喺政府總部宣佈暫緩逃犯條例修訂,並收返二讀嘅預告。

睇埋[編輯]