台山春節煙花文藝晚會係一個農曆新年期間喺廣東台山台城鎮舉辦嘅大型慶祝活動,民間亦俗稱台城煙花表演,主要以煙花表演為主,亦有文藝表演。多年來喺通濟公園(通濟電視塔)同埋體育廣場舉辦,民眾會喺地王廣場附近一帶觀賞。舉辦時間固定為農曆正月初二[1],自2015年開始地點改為新寧體育館,時間亦改為正月初一,之後一直保持到2019年停辦。每年煙花表演都由台山廣播電視台現場直播。