台灣購買中國大陸武漢肺炎疫苗嘅倡議
喺武漢肺炎疫情期間，台灣一啲藍營同親中派嘅政治人物不時會要求民進黨政府購買或引入（中國）大陸生產嘅疫苗，又會質疑民進黨政府係因為意識形態而拒絕[1]。台灣政府參考過（中國）大陸製疫苗嘅各項檢驗數據後，截至2022年4月都未有購買、引入或承認任何上述疫苗，而其功效，後來亦被質疑。
藍營同親中派求要大陸疫苗嘅聲音
[編輯]國民黨15條「中國疫苗教戰守則」
[編輯]對於國民黨唔同人士嘅發言，傳媒人邱明玉就爆出國民黨內部有「15條中國疫苗教戰守則」，要為中國（大陸）疫苗塗脂抹粉。國民黨文傳會主委王育敏承認，確實呢15條嘅存在，但就話只係蒐集輿論意見做為回應參考[2]。
個別主要人物言論
[編輯]- 2021年2月，前總統馬英九要求政府思考係咪用中國（大陸）疫苗，能夠多一個來源就唔好放棄，唔好即刻拒絕[3]。
- 2021年2月，趙少康批評政府捨中國（大陸）疫苗唔用，係唔理性做法[4][5]。
- 2021年5月，國民黨籍金門縣長楊鎮浯曾經向中央喊話，要採購中國（大陸）疫苗[6]。
對於引入（中國）大陸疫苗主張嘅批評
[編輯]民進黨
[編輯]- 立委林楚茵喺2021年12月批評馬英九、趙少康，話中國（大陸）自己都無話過要賣畀台灣。林楚茵提到黑心廠商問題，亦無任何國際專家建議打，而家連中國（大陸）小粉紅都笑佢哋，直指「行行好防疫不需要你們亂」[7]。
- 發言人謝佩芬回應國民黨「中國疫苗教戰守則」嘅時候批評，國民黨利用疫情煽動疫苗之亂[2]。
關於大陸疫苗功效
[編輯]喺2021年5月18號，中央流行疫情指揮中心指揮官陳時中表明，中國（大陸）疫苗數據不足，唔能夠畀到大家信心[8][6]。另外，去到2021年中，一啲曾經將中國（大陸）疫苗包括喺佢哋免疫計劃關鍵部分嘅亞洲國家，都改用其他疫苗，當中包括泰國、印尼同馬來西亞。呢啲國家，都因為用中國（大陸）嘅疫苗，受到當地人民嘅批評[9]。另外，新加坡亦有學者研究，提到科興疫苗接種者，患重症嘅比例係接種BNT疫苗者嘅5倍，突破性感染更加係接種莫德納疫苗嘅6倍[10]。
參考
[編輯]- ↑ 〈台灣BNT採購大戲曲終人未散 疫苗為何牽扯兩岸敏感關係〉。《BBC News 中文》 (繁體中文)。喺2022-04-17搵到。
- ↑ 2.0 2.1 〈國民黨認了15條「中國疫苗教戰守則」 藍營暗箭還射向侯友宜、柯文哲 | 凱夫斯基 - vocus〉。vocus.cc。2021-05-27。喺2022-04-17搵到。
- ↑ 〈台灣取得疫苗還需多久？馬英九、趙少康：應考慮中國疫苗 | 政治 | | Newtalk新聞〉。《新頭殼 Newtalk》 (中文)。2021-02-14。喺2022-04-17搵到。
- ↑ 〈批政府捨中國疫苗不用 趙少康：不理性〉。《台視新聞》。2021-02-09。
{{cite news}}: CS1 maint: url-status (link) - ↑ 〈批政府捨中國疫苗不用 趙少康：不理性〉。《台視新聞》。喺2022-04-17搵到。
- ↑ 6.0 6.1 〈金門盼開放中國疫苗 陳時中：可申請中央統籌處理 | 生活 | 中央社 CNA〉。www.cna.com.tw (中文)。喺2022-04-17搵到。
- ↑ https://www.facebook.com/ETtoday。〈馬英九、趙少康籲考慮接受大陸疫苗 林楚茵嗆：防疫不需要你們亂 | ETtoday政治新聞 | ETtoday新聞雲〉。www.ettoday.net (繁體中文)。喺2022-04-17搵到。
{{cite web}}:|last=has generic name (help); External link in|last= - ↑ 〈首度鬆口可買中國疫苗 陳時中：中國要申請合格 但現有資料看來很難〉。《Rti 中央廣播電臺》 (中文)。喺2022-04-17搵到。
- ↑ 〈為什麼這些亞洲國家停用中國疫苗？｜天下雜誌〉。《天下雜誌》 (中文)。喺2022-04-17搵到。
- ↑ 〈「謝天謝地只有2%打科興」新加坡研究嚇到學者 | 國際 | | Newtalk新聞〉。《新頭殼 Newtalk》 (中文)。2022-04-14。喺2022-04-17搵到。