合一堂香港堂

合一堂香港堂全名中華基督教會合一堂香港堂，係香港中華基督教會合一堂嘅總堂，喺香港島半山區般咸道2號，1926年起，喺1990年被列為二級歷史建築，2011年10月24號改評為香港一級歷史建築。

史

合一堂香港堂係香港第一座由華人教徒夾錢起嘅基督教堂，喺1926年10月10號啟用。合一堂香港堂前身係倫敦傳道會嘅道濟會堂，後來會堂加入咗中華基督教會，佢哋嘅華人教徒夾錢起新堂址之後就改名叫合一堂。